Գիշերը քունը հանկարծ կիսատ թողնելով արթնանալը մեծապես ազդում է քնի ցիկլի վրա: Դրա ետևում կանգնած պատճառները կարող են չափազանց բազմազան լինել: Ինչևէ, բազմազան են նաև եղանակները, որոնցով կարելի է իջեցնել գիշերն արթնանալու հավանականությունը:
Գիշերն արթնանալն իսկապես մեծ ցավ է: Կարևոր չէ` պատճառն անհանգիստ լինելն է, թե վատ երազը, դա իսկապես մեծ ազդեցություն է ունենում քնի վրա: Եվ երբ արթնանում եք, կրկին քնելը կարող է զարմանալիորեն դժվար լինել:
Բայց ինչո՞ւ եք Դուք իրականում արթնանում: Պարզվում է` կան բազմաթիվ բաներ, որ կօգնեն նվազեցնել գիշերն արթնանալու հավանականությունը: Ահա 6 պատճառ, որ կարող են կանգնած լինել քունը կիսատ թողնելու ետևում:
1. Ձեր ննջասենյակում չափազանց ցուրտ կամ շոգ է:
Սխալ ջերմաստիճան ունեցող սենյակում քնելն զգալիորեն դժվար է դարձնում հանգիստ քնելը: Խորհուրդ է տրվում այնպես անել, որ սենյակի ջերմաստիճանը լինի 18-20 C˚:
2. Դուք ունեք մաշկաբորբ:
Մաշկաբորբով տառապողների մաշկը գիշերը հաճախ չափից դուրս գրգռվում է, ու սա կարող է ավելի դժվար դարձնել քնելը: Դիմեք մասնագետի, ով կկարողանա տալ դեղամիջոց, որը կլուծի խնդիրը:
3. Դուք ունեք Անհանգիստ ոտքերի սինդրոմ:
Անհանգիստ ոտքերի սինդրոմը, չնայած անվանը, կարող է նաև ազդել թևերի, բռունցքների, գլխի ու մարմնի այլ մասերի վրա: Այն կարող է սարսափելիորեն խանգարել քունը:
4. Ձեր ներքնակը չափազանց կոպիտ է:
Այսպիսի ներքնակը կարող է ստեղծել ճնշում կոնքերի, ուսերի ու մեջքի ներքևի հատվածի վրա: Ընտրեք ճիշտ ու հարմարավետ անկողնային պարագաներ, քանի որ դրանք ուղղակիորեն կապված են քնի որակի հետ:
5. Չափից շատ ալկոհոլ եք օգտագործում:
Հնարավոր է` մտածում եք` մի քանի գավաթ գինին կօգնի լավ քնել, բայց հակառակը` այն կարող է խանգարել Ձեր քունը:
6. Դուք շատ լարված եք:
Եթե Դուք լարված եք ու անհանգիստ, քնելուց առաջ փորձեք հանգստանալ ու ցրվել: Հանգստացնող երաժշտություն լսեք, նկարեք կամ մեկ այլ բանով զբաղվեք: