Life.tert.am-ը գրում է.

«Եվրատեսիլ 2018»–ի Հայաստանի պատվիրակին Հանրային հեռուստաընկերությունն այս տարի էլ կընտրի «Դեպի Եվրատեսիլ» նախագծի միջոցով, սակայն այս անգամ կանոնները փոխվել են. մասնակիցը միանգամից պետք է ներկայանա այն երգով, որով հավակնում է գնալ «Եվրատեսիլ»։

Նման մրցույթները հաճախ կաշկանդում են որոշակի ճանապարհ անցած երգիչներին, հաճախ, նրանք խուսափում են հանրության աչքի առաջ մտնել մրցակցության մեջ։ Tert.am Life–ի հարցին, արդյոք հանրայինը գնում է ոչ շատ հայտնի երգիչներ գտնելու ճանապարհով,  Գոհարը պատասխանեց, որ  իրենք գնում են լավ երգ հայտնաբերելու ուղղությամբ։

«Թե ով կներկայացնի այդ երգը, կախված է մասնակիցներից։ Ամեն դեպքում միջազգային փորձն էլ ցույց է տալիս, որ նման մրցույթներում և՛ շատ հայտնի երգիչներ են մի քանի անգամ փորձում իրենց բախտը, և՛ անհայտները։ Մարդը պետք է ունենա այդ վստահությունն ու համարձակությունը ներկայանալու և հավատա իր ուժերին։ Բոլոր այն երգիչները, որոնք մինչև այս խուսափել են մրցույթից` մտածելով, որ ժյուրիի անդամները կարող են չգնահատել իրենց, կարող են հաշվի առնել, որ այս տարի լինելու է միջազգային ժյուրի և հանդիսատեսի քվեարկություն։ Կարող են վստահ լինել, որ արժանի երգիչն իր երգով կմեկնի «Եվրատեսիլ»»,– ասաց նա։

Գոհարը հայտնեց, որ մրցույթը կկայանա փետրվարին։ Մասնակիցն ի սկզբանե կներկայացնի իր երգը, սակայն  փուլերի ընթացքում կկատարի տարբեր երգեր։ Ամենայն հավանականությամբ, այս տարի ևս «Դեպի եվրատեսիլը» կվարի Գոհարը։

Ամբողջական հոդվածը կարող եք կարդալ այստեղ։

 

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել