Aysor.am-ը գրում է.
Ազգային ժողովի Հանրապետական խմբակցության պատգամավոր Արման Սաղաթելյանը կշռել է իր և իր ընկերների 15-20 տարբեր տարիքային խմբերին պատկանող երեխաների դպրոցական պայուսակները և պարզել, որ միջինում 12 տարեկան երեխայի դպրոցական պայուսակը կշռում է 5 կգ 200 գրամ:
«Որպեսզի պատկերավոր լինի, թե ինչ քաշ է 6-րդ դասարանի երեխայի համար, ասեմ՝ ճիշտ այդքան՝ 5.2 կգ կշռում է ԱԿՍ 74 ինքնաձիգն ամբողջությամբ լիցքավորված փամփշտակալով, վրան էլ ամրակցված 40 մմ-անոց «ՌՊ» նռնականետը՝ նռնակն էլ մեջը», - ԱԺ-կառավարություն հարցուպատասխանի ժամանակ իր ուսումնասիրության արդյունքները ներկայացրեց պատգամավորը:
Բացի այդ, պատգամավորն ուսումնասիրել է նաև միջին գնի սահմաններում շուկայում վաճառվող ուսապարկերը և պարզել, որ դրանք հարմարեցված չեն բեռը ուսերից մինչև կոնքամաս համաչափ բաշխելու համար: Ասաց, որ նաև դիտարկել է տվյալներ, որոնց համաձայն՝ երեխաները համակարգիչների ու պլանշետների դիմաց անցկացնում են մինչև 6 ժամ:
Պատգամավորը կառավարությունից հետաքրքրվում էր, թե ի վերջո ե՞րբ են դասագրքերը թվայնացվելու, այդ դասագրքերը տեղափոխվելու պլանշետի մեջ:
Կրթության, գիտության նախարար Լևոն Մկրտչյանն ի պատասխան պատգամավորի հարցին, ասաց, որ էլեկտրոնային կրթությանն անցումը ծախսատար է և կարող է բյուջեի վրա «լուրջ ծանրություն» լինել:
Ամբողջական հոդվածը կարող եք կարդալ այստեղ։
