ԱՄՆ-ն երկար տարիներ առաջատար ուժ կլինի գազի և նավթի գլոբալ շուկայում թերթաքարային էներգակիրների արդյունահանման բումից հետո: Այսպիսի կանխատեսում է արել Միջազգային էներգետիկ գործակալությունը (IEA):
2025 թ. նավթի ամերիկյան արդյունահանման աճը կհավասարվի Սաուդյան Արաբիայի ամենամեծ ընդլայնման շրջանի ցուցանիշերին, իսկ ամերիկյան գազի ծավալները կգերազանցեն ծավալները, որոնք մի ժամանակ ունեցել է ԽՍՀՄ-ը:
Bloomberg-ի հաղորդմամբ՝ այս մասին IEA-ն հայտնել է «Համաշխարհային էներգետիկ կանխատեսում» ամենամյա զեկույցում: Թերթաքարի արդյունահանման բումն ԱՄՆ-ին, որը մինչ այդ էներգակիրների խոշորագույն ներկրողն էր, կվերածի աշխարհի խոշորագույն արտահանողի:
Գործակալության փորձագետները համոզված են, որ ընդհանուր առմամբ թերթաքարային նավթի ներուժը հասնում է 105 մլրդ բարելի, իսկ մինչև 2025 թ. դրա արդյունահանումը հնարավոր կլինի մեծացնել 34%-ով՝ մինչև 9 մլն բարել օրական:
