«Հայ մայրեր» հասարակական կազմակերպության նախաձեռնած բարեգործական 3-րդ գալա ընթրիքը երեկ «Congress» հյուրանոցում համախմբել էր բազմաթիվ գործարարների, քաղաքական գործիչների, շոու-բիզնեսի և լրատվամիջոցների ներկայացուցիչների:

«5 տարի միասին» խորագրով միջոցառումը նպատակ ուներ կազմակերպության մշտական աջակիցներին և նոր բարերարներին ներկայացնելու կազմակերպության գործունեության բոլոր տարիների մանրամասն հաշվետվությունն ու կատարված աշխատանքը, ինչպես նաև պատմել 2018-ի ռազմավարության ու նպատակների մասին։

Երեկոյի ընթացքում տեղի ուեցավ աճուրդ-հանգանակություն, որի ժամանակ խաղարկվեցին զարդեր, ձեռագործ աքսեսուարներ, ինչպես նաև հայ դիզայներների կողմից պատրաստված հագուստի նմուշներ: Ստացված 6 միլիոն 258 հազար 500 դրամ հասույթը «Հայ մայրեր» բարեգործական ՀԿ-ն տրամադրելու է մանկական ուղեղային կաթված ունեցող երեխաների ու նրանց ծնողների կյանքի որակի բարելավմանն ուղղված ծրագրերին։

IMG (11)IMG (2)IMG (1)IMG (4)IMG (29)Երեկոն վարում էր Նազենի Հովհաննիսյանը, ով կազմակերպության գործունեության առաջին տարիներից եղել է երեխաների ու մայրերի կողքին ու ոգեշնչել նրանց: Նազենիին այս տարիները սովորեցրել են չհուսահատվել, լինել ուժեղ և օգնելով նաև օգտակար զգալ։ Նրա կարծիքով՝ ուրիշ բանաձև չկա բարի գործ անելու համար. «Նարինե Մանուկյանը կարողանում է դրական իմաստով վարակել այն որակյալ գործով և այն անհրաժեշտությամբ, որը կոչվում է բարեգործություն: Նա մանկական ուղեղային կաթվածով երեխաների խնդիրը ոչ միայն բարձրաձայնեց, այլև հասավ նրան, որ սկսեց լուծումներ: Եվ ահա ճիշտ տեղում ու ճիշտ ժամանակին նրան միացանք մենք: Բոլորս, լինելով սովորական քաղաքացի ու մինչ այդ ծանոթ չլինելով խնդիրների առանձնահատկություններին, այսօր արդեն ավելի գրագիտորեն ենք մոտենում հարցին: Այստեղ միայն դոնորությունը չէ, որ բարեգործություն կարելի է անվանել, այլ այն, թե դու որքանով ես կարողանում օգտակար լինել՝ գտնելով այն բոլոր անհրաժեշտ թերապիաները, սարքավորումները, որոնք օգնում են երեխաներին ավելի ինքնուրույն կյանք ունենալու: Այս տարիներն ինձ տվեցին շատ լավ ընկերներ, քեզ մարդ զգալու ու առողջ զգալու ևս մեկ կարևոր փաստ ու տվեց այնպիսի ընկեր-ընտանիք, ինչպիսին է Նանան»:

IMG (25)IMG (26)IMG (28)IMG (9)IMG (19)«Հայ մայրեր» ՀԿ-ն ունի մանկական ուղեղային կաթվածով շուրջ 270 շահառու Հայաստանի բոլոր շրջաններից, որոնք բոլորն էլ անապահով ընտանիքներից են: Կազմակերպության հիմնադիր Նարինե Մանուկյանը հպարտորեն է թվում այն ձեռքբերումները, որոնց կարողացել են հասնել անդուլ ու նվիրված աշխատանքի շնորհիվ. «Տասնյակ  երեխաներ «Երազի տուն» մանկական վերականգնողական կենտրոնում արել են իրենց առաջին քայլերը: Հավատացեք, դա ամեն ընտանիքի համար նոր ծնունդ է, երբ երեխաները սկսում են ապրել լիարժեք կյանքով: Մենք տարիների ընթացում տրամադրել ենք 500-ից ավելի օրթոպեդիկ կոշիկներ, որպեսզի երեխաների ոտնաթաթը ճիշտ ձևավորվի, ու դեֆորմացիաներ չլինեն, 200-ից ավելի հատուկ օրթոպեդիկ գույք՝ սայլակներ, կանգնակներ և այլն, ինչպես նաև 1700-ից ավելի բուժական վերականգնողական թերապիաներ: Ցանկությունը մեծ է կենտրոնի գործունությունը ընդլայնելու ու հասնելու նույնիսկ ամենահեռավոր մարզերը, որտեղ նույնպես կկարողանանք անվճար բուժական ծառայություններ ու վերականգնողական կուրսեր տրամադրել երեխաներին»: 

Ընթրիքի ընթացքում ներկաները դիտեցին երեխաների մասին պատմող ֆիլմ և ունկնդրեցին Սոֆի Մխեյանի, Արամ MP3-ի, Սևակ Խանաղյանի, Էրիկ Կարապետյանի կատարումները, ովքեր մշտապես եղել են կազմակերպության կողքին ու անշահախնդիր օգնել երեխաներին:

IMG (31)IMG (34)IMG (46)IMG (58)IMG (22)

Սոֆի Մխեյանը ևս կազմակերպության գոյության առաջին իսկ րոպեներից եղել է «Հայ մայրեր»-ի կողքին: Երգչուհու խոսքով՝ ինքն անմասն մնալ այս ամեն ինչից ուղղակի չի կարող. «Նարինեն իր ընտանքիով, իր տեսակով ու կազմակերպությամբ այնքան ուժ է տարածում, այնքան ոգի կա այս ամենում, որը խոսքով բարձրաձայնելն ու ասելը քիչ է: Մենք փորձում ենք ամեն կերպ լինել «Հայ մայրեր»-ի կողքին ու աջակցել, ինչով որ կարողանում ենք: Հուսով եմ, որ մենք մեր ներկայությամբ կարողանում ենք ինչ-որ բան տալ երեխաներին»:  

Կազմակերպությունը շուտով նաև գեղեցիկ ձիարշավարան կբացի, որտեղ հաշմանդամություն ունեցող երեխաները  կկարողանան ստանալ վերականգնողական բուժում՝ հիպոթերապիա: Հողակտորն արդեն գնել են, մնացած աշխատանքները սկսելու համար անհրաժեշտ է բարերարների աջակցությունը:  

IMG (54)IMG (53)IMG (56)IMG (55)IMG (43)IMG (51)IMG (49)IMG (41)IMG (57)IMG (40)IMG (45)IMG (38)IMG (35)IMG (12)IMG (18)IMG (13)IMG (5)

Նյութը՝ Էմմա Վարդանյանի

Լուսանկարները՝ Շաքե Արմենի

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել