Aysor.am-ը գրում է.
ԱԺ նիստն այսօր մեկնարկեց «Ծառուկյան» դաշինքի պատգամավորների խոսափողների անջատմամբ։
«Ծառուկյան» խմբակցության պատգամավորները վարման կարգով ելույթում պահանջում էին ԱԺ նիստերի օրակարգում քննարկել նաև մանր և միջին բիզնեսով զբաղվող ձեռներեցների հարկման հարցը, որը ՊԵԿ-ը բարձրացնում է՝ պատճառաբանելով, թե այսպիսով նպատակ ունի վերացնել ստվերը։
Նաիրա Զոհրաբյանը նշեց, որ այսպիսով ՊԵԿ-ը տեռոր է իրականացնում ձեռնարկատերերի նկատմամբ, որպեսզի մարդիկ մի կտոր հացից զրկվեն։
«Բյուջե եք ուզում լցնեք, տեղը ցույց ենք տալիս, բազմաթիվ մոնոպոլիստներ կան, գնացեք ստուգեք», - ասաց պատգամավորը։
էդուարդ Շարմազանովը կոչ արեց վարման կարգի ժամանակ մտքերի փոխանակման ձևաչափով ելույթ չունենալ՝ զգուշացնելով, որ եթե նորից նման ելույթներ լինեն, ինքը ստիպված կլինի անջատել խոսափողը։
Հաջորդը վարման կարգով ելույթ ունեցավ «Ծառուկյան» խմբակցության պատգամավոր Գևորգ Պետրոսյանը, ով նշեց, որ ավելի կարևոր խնդիր, քան մանր բիզնեսով զբաղվող քաղաքացիների պաշտպանությունը, այսօրվա օրակարգում չկա։
Շարմազանովը պահանջեց անջատել Գևորգ Պետրոսյանի խոսափողը, մինչդեռ պատգամավորը ու Նաիրա Զոհրաբյանը շարունակեցին խոսել տեղից՝ առանց բարձրախոս։
Ամբողջակցան հոդվածը կարող եք կարդալ այստեղ
