168.am-ը գրում է

Չինաստանի իշխանություինները պատրաստվում են 12 մլրդ յուան (1.8 մլրդ ԱՄՆ դոլար) ծախսել այսպես կոչված Գիտական ֆանտաստիկայի քաղաք կառուցելու համար, որն իրենցից ներկայացնելու է անհայտ աշխարհներին, ժամանակի մեջ ճանապարհորդություններին, արկածների և տիեզերքի հրաշքներին նվիրված գրքեր և սցենարներ, ֆիլմեր և հետաքրքրաշարժ հեռուստածրագրեր ստեղծելու կենտրոն։ Ինչպես տեղեկացնում է ՏԱՍՍ-ը, այդ մասին լրագրողներին հայտնել է Չիանաստանի հարավ-արևմտյան Սիչուան նախանգի կենտրոն Չենդուի քաղաքապետ Լո Ցյանը։

«Մեր քաղաքում թողարկվում է «Գիտական ֆանտաստիկայի աշխարհ» հանդեսը, որը կարելի է համարել այդ ժանրում ՉԺՀ-ի ստեղծագործողների ստեղծագործական «բազան»,- նշել է քաղաքապետը, ելույթ ունենալով «Գիտական ֆանտաստիկայի չինական կոնֆերանս-2017»-ում։- Հենց մենք ենք հիմնել այդ ուղղությամբ չինական ամենահեղինակավոր մրցանակները՝ «Ծիր կաթինը» և «Նոր մարդը»։ Բացի այդ , քաղաքը հիմնել է Գիտական ֆանտաստիկայի չինական վենչուրային ասոցիացիան։ իսկ այժմ մենք ծրագրում ենք ստեղծել «Գիտական ֆանտաստիկայի քաղաքը»»։

Իշխանությունների հաշվարկներով՝ նոր նախագիծն ամեն տարի կներգրավի ավելի քան 12 մլն զբոսաշրջիկ և կապահովի լրացուցիչ 8 հազար աշխատատեղ։

Գիտական ֆանտաստիկայի չինական կոնֆերանսն առաջին անգամ կայացել է 2016թ. Պեկինում։ Այս տարի այն կազմակերպվել է համանման միջոցառման հետ միասին, որը կազմակերպում է 20-րդ դարի 90-ական թվականներից Չենդու քաղաքում պարբերաբար կազմակերպում է «Գիտական ֆանտաստիկայի աշխարհը» հանդեսը։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել