Ամերիկացի երգչուհի Նիկի Մինաժի եղբորը՝ 38-ամյա Ջելանի Մարաժին մեղավոր են ճանաչել Լոնգ-Այլենդ կղզում 11-ամյա աղջկա բռնաբարության մեջ։ Այս մասին հայտնում է Associated Press գործակալությունը։ Զոհի խոսքով՝ բռնի ֆիզիկական շփումները տեղի են ունեցել շաբաթական 4 անգամ, երբեմն դա տեղի է ունեցել օրական 2 անգամ։
Երգչուհու եղբորը սպառնում է 25 տարվա բանտարկություն։ Սակայն նրա փաստաբանը մտադիր է բողոքարկել դատավճիռը։ Մարաժի պաշտպանության հաղորդմամբ՝ մեղադրանքներն աղջկա բռնաբարության վերաբերյալ, ով այժմ արդեն 14 տարեկան է, սուտ են։ Հաղորդվում է, որ դա մտածել է «տուժողի» մայրը՝ ստիպելու Նիկի Մինաժին 25 մլն դոլարի փոխհատուցում տրամադրել իր ընտանիքին։ Հայցվորները նման հայտարարությունն անվանել են անհեթեթ։
Երգչուհու եղբոր մեղքի ապացույց են դարձել աղջկա հագուստի վրա հայտնաբերված ԴՆԹ նմուշները։