Yerkir.am-ը գրում է.
Հայտնի դերասան Արմեն Ջիգարխանյանի թատրոնում շարունակվում են ֆինանսական ստուգումները. գրում է Комсомольская правда-ն: Հիշեցնենք, որ ամուսնալուծվել պատրաստվող դերասանն ավելի վաղ իր կնոջը մեղադրել էր իրեն կողոպտելու մեջ:
Ջիգարխանյանի ընկերը, ով ցանկացել է անանուն մնալ, թերթին որոշ ուշագրավ մանրամասներ է պատմել թատրոնի մասին: Պարզվել է, որ Ջիգարխանյանի թատրոնը երկար տարիներ ֆինանսավորել է հայտնի բարերար Լևոն Հայրապետյանը, ով գումարները է փոխանցել մոսկվայաբնակ գործարար, Ջիգարխանյանի մտերիմ ընկեր Արթուր Սողոմոնյանի միջոցով:
Թերթը կապ է հաստատել նաև Սողոմոնյանի հետ: «Մեր բողոքի հիման վրա քրեական գործ է հարուցվել: Վիտալինան ու նրա շրջապատը պատասխանատվության են ենթարկվելու: Այդ պատճառով էլ նա երկրից հեռացավ»,- ասել է գործարարը:
Դրանից բացի` իրավապահ մարմիններում աղբյուրը թերթին պատմել է, որ Ջիգարխանյանի կնոջ` Վիտալինայի ղեկավարման օրոք թատրոնից օֆշորներ է տարվել մոտ 80 մլն ռուբլի: