«Ընկերների հետ խրախճանքից հետո Հարավային Ուելսի բնակիչը չհավատաց աչքերին, երբ առավոտյան դեմքին տեսավ ակնոցի հետքով դաջվածք: Սկզբում նա մտածեց, որ դա ընդամենը մարկեր է, սակայն ճշմարտությունն ավելի դաժան էր: Հարբած ընկերները նրա դեմքին իսկական դաջվածք էին արել՝ ուղեկցելով այն հայտնի Rayban ապրանքանիշի մակագրությամբ»,- տեղեկացնում է Daily Mail-ը:
Արդյունքում 50-ամյա տղամարդը երկու տարի շարունակ փորձում էր վերացնել անցանկալի դաջվածքը: Նա համաձայնել է հրապարակել իր պատմությունը միայն այն պայմանով, որ իր անունը չի հրապարակվի:
«Ես բոլորովին ոչինչ չեմ հիշում, թե երբ է դա պատահել: Մենք չափից դուրս խմել էինք, այդ պատճառով էլ, երբ ես արթնացա, մտածեցի, որ դա ընդամենը մարկեր է, և չփորձեցի մաքրել, սակայն հետո մարդիկ սկսեցին ինձ մատով ցույց տալ»,- ասել է տղամարդը:
Բարեբախտաբար, արդյունքում նրան հաջողվեց լազերի միջոցով ջնջել դաջվածքը և դեմքին ոչ մի սպի չունենալ: