Աննկարագրելի համեղ կոնֆետներ «Բաունտի»՝ տնային պայմաններում: Համեղ այս քաղցրավենիքը պատրաստվում է կոկոսի քերուկով, խտացրած կաթով և կաթնային շոկոլադով:
Բաղադրիչներ
200 գր կոկոսի քերուկ
400 գր խտացրած կաթ
300 գր շոկոլադ (կաթնային)
Այս բաղադրատոմսով կկարողանաք պատրաստել 23-25 հատ «Բաունտի»:
Ինչպես պատրաստել «Բաունտի»
Կոկոսի քերուկը խառնում ենք խտացրած կաթի հետ: Ստացված խառնուրդը ձեռքերով ձևավորում ենք՝ «Բաունտի»-ի բատոնների նման, ինչպես ցուցադրված է նկարում:
Պատրաստի կոկոսի բատոնները շարում ենք թղթի վրա և դնում սառցարան 1 ժամով: Կաթնային շոկոլադը հալեցնում ենք գոլորշու վրա կամ միկրոալիքային վառարանում (30 վայրկյանը մեկ խառնում ենք այն):
Պատառաքաղով ընկղմում ենք կոկոսի բատոնները հալեցրած շոկոլադի մեջև և կրկին շարում թղթի վրա:
Պատառաքաղով ձևավորում ենք արտաքին երեսն այնպես, ինչպես իսկական «Բաունտիի» շոկոլադն է և դնում սառնարան, որպեսզի շոկոլադը պնդանա:
Սառչելուց հետո կարող եք մատուցել համեղ բատոնները:
Մատուցելուց առաջ նախապես ձեզ համար 1 հատ վերցրեք, հետո ուշ կլինի:
Բարի ախորժակ: