Tert.am-ը գրում է.

Եվրամիության անդամ պետություններ կան, որոնք դեռևս չեն հասցրել թարգմանել ՀՀ-ԵՄ համագործակցության փաստաթուղթը, որը նախատեսվում է ստորագրել նոյեմբերին: Tert.am-ի հետ զրույցում ասաց ԱԺ «Հայաստանի Հանրապետական կուսակցություն» խմբակցության պատգամավոր, ԱԺ արտաքին հարաբերությունների մշտական հանձնաժողովի անդամ Շիրակ Թորոսյանը՝ նշելով, որ իր տեղեկություններով հարցը կարգավորելու ուղղությամբ աշխատանքներ են տարվում: Պատգամավորն ասաց, թե չի կարծում, որ ԵՄ-ում երկրներ կան, որոնք չեն ուզում, որ համաձայնագիրը ստորագրվի:

- Հրապարակվել է Հայաստան-Եվրամիություն համագործակցության համաձայնագրի տեքստը: Երբ այն չէր հրապարակվել, կարծիքներ կային, որ գուցե չի հրապարակվում, որովհետև չի ստորագրվելու: Արդյոք հրապարակումը երաշխավորո՞ւմ է, որ փաստաթուղթը ստորագրվելու է:


- Փաստաթղթի ստորագրման երաշխիքը հենց ստորագրումն է: Կարծում եմ, որ պետք է չշտապել, փաստաթղթի շուրջ աժիոտաժ չստեղծել, սպասել՝ ստորագրմանը: Ստորագրումից հետո կարելի է վստահ ասել, որ այն ստորագրվել է:


- Դուք ևս կասկածներ ունե՞ք, որ հնարավոր է համաձայնագիրը չստորագրվի:


- Որևէ կասկած չունեմ, բայց ես պրագմատիկ եմ, կարծում եմ, որ պետք չէ ջուրը չտեսած բոբիկանալ կամ առուն չթռած հոպ ասել: Կասկածներ չունեմ, բայց հաստատ կարող ենք ասել այն ժամանակ, երբ ստորագրված կլինի:


- Հասցրե՞լ եք ծանոթանալ համաձայնագրի բովանդակությանը: Ի՞նչ կարծիք ունեք դրա մասին:


- Այո, հասցրել եմ ծանոթանալ: Կարծում եմ, որ համաձայնագիրը երկուստեք ընդունելի է՝ թե՛ ԵՄ, թե՛ Հայաստանի համար, հակառակ դեպքում, կողմերը ստորագրելու որոշում չէին կայացնի:

Ամբողջակցան հոդվածը կարող եք կարդալ այստեղ
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել