Ամեն ոք ունի իր սեփական ճաշակն ու նախընտրած ուտելիքները։ Մինչ մեկը խելագարվում է ծովամթերքի համար, մյուսը տանել չի կարողանում անգամ դրա հոտը։ Բայց որոշ երկրներում հատուկ ուտեստ են համարվում այնպիսի բաներ, որոնց մասին մտածելն անգամ ոմանց մոտ տհաճ զգացողություններ է առաջացնում։

Ահա աշխարհի տարբեր երկրների ամենատարօրինակ ուտեստները։

Մեքսիկա - տապակած մորեխներ

Related image

Այո, դուք ճիշտ կարդացիք․ Մեքսիկայում մորեխներին ուտում են, այն էլ՝ տապակած վիճակում։

Նորվեգիա - Սմալահով

Image result for Smalahove

Որքան էլ տարօրինակ է, Նորվեգաիայում Սմալահովը շատերի սիրելի ուտեստն է։ Այն իրենից երկայացնում է հատուկ կերպով եփված գառան գլուխ։ Սովորաբար Սմալահով պատրաստում են Սուրբ ծննդյան նախօրեին։

Հարավարևելյան Ասիա - Բալութ

Բալութը խաշած ձու է, սակայն ոչ սովորական․ այն պատրաստելու համար վերցնում են բադի՝ կիսով չափ սաղմնավորված ձու, որում արդեն որոշ չափով ձևավորվել է ապագա բադիկը, ապա խաշում են այն և ուտում։

Մալայզիա - Բութոդ

Միգուցե ձեզ համար որդեր ուտելը զզվելի երևույթ է, սակայն Մալայզիայում սա տարածված սովորույթ է։ Բացի այդ՝ ասում են՝ որդերը հարուստ են շատ օգտակար նյութերով։

Չինաստան - արյան տոֆու

Առաջին հայացքից թվում է՝ այն շոկոլադե պուդդինգ է կամ այլ համեղ բան, սակայն իրականում այն խոզի արյուն է՝ եփված և պնդացած վիճակում։ Չինաստանում արյան տոֆու պատրաստելու համար օգտագործում են նաև գառան, հավի և անգամ կովի արյուն։

Ֆրանսիա - գորտի ազդրեր

Ֆրանսիացիներն ասում են, որ գորտի ազդրերը չափազանց համեղ են։ Բայց մինչև չփորձես, չես կարող համոզվել։ Ոմանք պնդում են, որ դրա համը շատ նման է հավի մսի համին, և եթե չիմանաս, թե ինչ ես ուտում, ապա միգուցե գլխի չընկնես, որ հավի միս չէ։

Ճապոնիա - Թունա ձկան աչքեր

Միանշանակ, կարելի է ասել, որ վիզուալ առումով այս ուտեստը, մեղմ ասած, այնքան էլ գրավիչ չէ։ Սակայն ճապոնացիների պնդմամբ՝ այն չափից դուրս համեղ է, բացի այդ՝ բավականին մատչելի է։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել