Որպեսզի հասկանալի լինի, թե Իրաքի Քրդստանի տարածաշրջանի համար նաև տնտեսական ոլորտում ինչպիսի մեծ հարված էր Քիրքուքի վերհսկողության անցումը իրաքյան կենտրոնական իշխանություններին, բավարար է միայն նշել, որ Քրդստանի տարածաշրջանի օրական մոտ 650 000 բարել նավթի արդյունահանման 50%-ից ավելին բաժին էր ընկնում հենց Քիրքուքի նավթահորերին:

Եթե հաշվի առնենք, որ Իրաքի Քրդստանից արտահանվող նավթի ողջ ծավալի մոտ 85%-ն անցնում էր դեպի թուրքական Ջեյհան նավահանգիստը ձգվող նավթամուղով և դրա որոշակի քանակություն ապահովում էր նաև Իսրայելի պահանջարկը, ապա ակնհայտ է, որ դիրքեր կորցնողների շարքում նաև Անկարան և Թել-Ավիվն են:

Մյուս կողմից էլ, նկատի ունենալով իրանական հսկայական դերակատարությունը Քիրքուքի գործողության շրջանակներում, որտեղ, համաձայն քրդական աղբյուրների, Իրանի «Իսլամական հեղափոխության պահապանների կորպուսն» ունեցել է վճռորոշ դերակատարություն, պարզորոշ է, որ, պատկերավոր ասած, Իրաքում նույնիսկ քիրքուքյան նավթն էլ անցել է իրանական վերահսկողության տակ:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել