«Իսպանացի գիտնականները հայտնաբերել են ճարպակալման բուժման նոր մեթոդ։ Նրանք հետազոտել են ավելորդ քաշից տառապող մարդկանց ճարպային հյուսվածքների նմուշները և պարզել են, որ դրանք պարունակում են MKK6 սպիտակուցի անոմալ քանակ։
Հետազոտությունն իրականացրել են Կառլ III-ի անվան սրտանոթային հիվանդությունների հետազոտման ազգային կենտրոնի գիտնականները»,- հայտնում է News Medical-ը։ Գիտնականները պարզել են, որ MKK6-ը խանգարում է սպիտակ ճարպը վերածել գորշ ճարպի։
Գորշ ճարպային հյուսվածքն այնպիսի ճարպ է, որը մշտապես այրվում է, մինչդեռ սպիտակ ճարպը նպաստում է կալորիաների կուտակմանը։ Փորձարկման ժամանակ պարզվել է, որ MKK6 չունեցող մկների մոտ առկա է ավելի շատ գորշ ճարպ։
Գիտնականները կարծիք են հայտնել, որ իրենց տվյալ բացահայտումը կարող է օգնել ավելորդ քաշից տառապող հիվանդներին վերադառնալ նորմալ քաշի։
