Azatutyun.am-ը գրում է.

Ստամբուլի ծանր հանցագործությունների 14-րդ դատարանում այսօր մեկնարկել է Հրանտ Դինքի սպանության գործով դատական նիստերի հերթական շարքը: Այս մասին հաղորդում է «Ագօս» պարբերականը: 83 կասկածյալ, այդ թվում՝ ոստիկանության և ժանդարմերիայի աշխատակիցներ ներառող դատական գործով նիստերը տեղի կունենան հոկտեմբերի 2-ին, 3-ին, 5-ին և 6-ին:

Դինքի ընկերները, որոնց թվում են «Ժողովուրդների դեմոկրատական կուսակցության» հայազգի պատգամավոր Գարո Փայլանը և Ժողովրդա-հանրապետական կուսակցության պատգամավոր Սեզգին Թանրքուլուն, այսօր դատարանի շենքի մոտ հավաքվածների առջև հայտարարել են. «10 տարի 3 ամիս շարունակվող դատական գործում դեռ շատ հեռու ենք արդարությունից»: Նրանց պնդմամբ՝ Դինքի սպանությանն առնչվող բոլոր անձինք մինչ օրս չեն կանգնել արդարադատության առջև:

2007 թվականի հունվարի 19-ին թուրք ազգայնական Օգյուն Սամասթի ձեռքով սպանված ստամբուլահայ նշանավոր լրագրող, հրապարակախոս Հրանտ Դինքի ընկերները հանցագործությունից ավելի քան 10 տարի անց «Հրանտի համար, արդարության համար», «Բոլորս Հրանտ ենք, բոլորս Դինք ենք» վանկարկումներով կրկին հայտարարում են՝ շարունակելու են հետևել դատական գործին, քանի դեռ սպանությունը չի բացահայտվել:

Ամբողջական հոդվածը կարող եք կարդալ այստեղ։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել