Armsport.am-ը գրում է.
Ողբերգական դեպք է տեղի ունեցել Վրաստանի առաջնությունում:
Երեկ` հոկտեմբերի 1-ին, հանկարծամահ է եղել վրացական «Զուգդիդի» ակումբի 31-ամյա դարպասապահ Շոթա Մամինաշվիլին: Այս մասին հայտնում է «Интерфакс»-ը:
Դարպասապահը Վրաստանի առաջնության հերթական տուրի` «Վիտ Ջորջիայի» հետ խաղից առաջ` նախավարժանքի ընթացքում, կորցրել է գիտակցությունն ու տեղափոխվել հիվանդանոց, որտեղ սակայն, բժիշկները չեն կարողացել փրկել վերջինիս կյանքը:
Ողբերգական իրադարձությամբ պայմանավորված` խաղը հետաձգվել է:
Վրացի դարպասապահն իր կարիերայի մեծ մասն անցկացրել է Բաթումիի «Դինամոյի» կազմում, տարբեր տարիներին հանդես է եկել նաև «Մաչախելա» և «Շուկուրա» ակումբներում: Իսկ «Զուգդիդիի» կազմը Մամինաշվիլինի համալրել էր ընթացիկ մրցաշրջանի մեկնարկից առաջ:
Նյութի աղբյուր՝ http://www.armsport.am/hy/news/2017/10/02/Goalkeeper-dead/828263
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել