Armsport.am-ը գրում է.

«Բավարիայի» գլխավոր մարզիչ Կառլո Անչելոտին կարող է հեռացվել զբաղեցրած պաշտոնից:

Այս մասին գրում է «Bild»-ը:

Երեկ, հիշեցնենք, մյունխենցիները Չեմպիոնների լիգայի խմբային փուլի 2-րդ տուրում պարտվել են ՊՍԺ-ին (0:3), իսկ որոշ առաջատարներ դժգոհ են մնացել մեկնարկային կազմում չհայտնվելու պատճառով:

Անձամբ Անչելոտին հայտարարել է, որ ընտրված կազմը ռիսկային չի համարում:

Հաղորդվում է, որ «Բավարիայի» ղեկավարությունն` ի դեպս տնօրենների խորհրդի ղեկավար Կառլ-Հայնց Ռումենիգեի և մարզական տնօրեն Հասան Սալիհամիջիչի, չի մեկնաբանել Անչելոտիի ապագայի հարցը` նախքան Մյունխեն վերադառնալը:

Սպասվում է, որ վերադարձից հետո ղեկավարների արտահերթ ժողով կգումարվի, որում կքննարկվի` արդյոք Անչելոտին շարունակելու՞ է աշխատանքը «Բավարիայի» ղեկին, թե՞` ոչ: 

Եթե 58-ամյա մասնագետը հեռացվի զբաղեցրած պաշտոնից, գլխավոր մարզչի ժամանակավոր պաշտոնակատար կնշանակվի 40-ամյա Վիլի Սանյոլը:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել