Life.tert.am-ը գրում է.
«Սև դառը շոկոլադ» ներկայացման երեկվա ցուցադրությունը հետաձգվել է մինչև հոկտեմբերի 24։ Պարզվում է, ռեժիսորը ցանկացել է փոփոխություններ անել ներկայացնման մեջ, սակայն դերակատարներ Լուիզա Ղամբարյանն ու Արամոն ասել են, որ չեն կարող կարճ ժամանակահատվածում անել այդ փոփոխությունները։ Tert.am Life-ի հետ զրույցում Լուիզան նշեց, որ դրանք ժամանակ և աշխատանք են պահանջում։
«Մենք հրաժարվեցինք խաղալ փոփոխություններով տարբերակը` կամ պետք է խաղայինք այնպես, ինչպես մինչև այդ ենք խաղացել, կամ չխաղայինք։ Նյութը կին–տղամարդ փոխհարաբերությունների մասին է և ճկվող է։ Առաջին անգամ չէ, երբ փոփոխություններ ենք անում։ Պարզապես այս անգամ փոփոխություններն ավելի գլոբալ էին, հետևաբար, պահանջվում էր ավելի շատ ժամանակ։ Խնդիր, որպես այդպիսին, չի եղել, պարզապես, որոշվեց, որ եթե չենք անում փոփոխություն, ուրեմն չենք խաղում»,– ասաց դերասանուհին։
Արվեստի բնագավառի մարդիկ ավելի տաքարյուն են, սակայն, ըստ Լուիզայի, խոսակցությունը թեժ մթնոլորտում չի ընթացել։
Ամբողջական հոդվածը կարող եք կարդալ այստեղ։
