Armsport.am-ը գրում է.
«Լիվերպուլի» գլխավոր մարզիչ Յուրգեն Կլոպը խոսել է այն մասին, թե ինչու է իր թիմը վատ խաղում պաշտպանությունում:
ԱՊԼ-ի 6 խաղում մերսիսայդցիներն արդեն 11 գնդակ են բաց թողել.
«Ակնհայտ է, որ մենք չափազանց շատ գոլեր ենք բաց թողնում, դրանում կասկած չկա:Ինձ համար դա ծանր է: Ես գիտեմ, թե ինչպես ճիշտ կառուցել խաղը պաշտպանությունում, բայց, ակնհայտ է, որ մեզ մոտ դա դեռևս վատ է ստացվում, բայց ամեն ինչ նորմալ կլինի:
Կարևորը` մարտավարական կարգապահությունն է: Ես ամեն ինչ չէ, որ գիտեմ ֆուտբոլի մասին, բայց կարող եմ երկու ժամում գիրք գրել պաշտպանությունում խաղի մասին, երբ և որտեղ պետք է ֆուտբոլիստը գտնվի: Դեռևս բոլորը չեն, որ կատարում են այն, ինչ ես խնդրում եմ, բայց մենք կաշխատենք:
Գիտեմ, որ մեզ արդյունքներ են պետք: Բայց ես հավատում եմ իմ թիմին և ցանկանում եմ այն ավելի լավը դարձնել»,- Կլոպի խոսքերն է փոխանցում «FourFourTwo»-ն: