Aysor.am-ը գրում է.

Սեպտեմբերի 23-ին Արամ Խաչատրյանի անվան մեծ համերգասրահում բարեգործական համերգային ծրագրի շրջանակներում հանդես կգա նաև ԽՍՀՄ ժողովրդական արտիստ Իոսիֆ Կոբզոնը: «Вместе» խորագիրը կրող համերգի ընթացքում նա կկատարի 20-րդ դարի հայ կոմպոզիտորների գործերը: Մասնակցելու են նաև XXI դարի նվագախումբը, կոմպոզիտոր Ռոբերտ Ամիրխանյանը, Սոնա Շահգելդյանը, Աննա Տաչյանը, Արամեն, Հայկոն, Մհերը, Էրիկը, Սոնան և Ռուսլանը: Համերգի ողջ հասույթը տրամադրվելու է օնկոլոգիական հիվանդությամբ տառապող երեխաների բուժմանը:

Այսօր լրագրողների հետ հանդիպման ընթացքում երգիչն ընդգծեց՝ Հայաստանում ինքն իրեն հյուր չի համարում, հատկապես, որ անձնական նախաձեռնությամբ հաճախ է այստեղ լինում:

«Մեծամասամբ ուրախ առիթներով եմ գալիս, սակայն ավանդույթ է դարձել, որ անպայման այցելեմ նաև տխուր վայրեր՝ իմ հայ ընկերների շիրիմներին: Նաև տարբեր հուշարձաններ եմ այցելում, իմ ամենասիրելի հուշարձանն Առնո Բաբաջանյանինն է, ոչ մի տեղ նման էմոցիոնալ հուշարձան չեմ տեսել… Հայ կոմպոզիտորները բազմաթիվ հրաշալի երգեր են գրել, որոնք ամենուր են հնչում, ու ոմանք երգում են՝ նույնիսկ չիմանալով, որ դրանք հայ կոմպոզիտորների ստեղծագործություններ են», - նշեց նա:

Արտիստը մտաբերեց բոլոր այն հայ կոմպոզիտորներին, որոնց հետ առիթ է ունեցել աշխատել: Նկատեց՝ քչերը գիտեն, որ Դավիթ Թուխմանովը, ով հայտնի «День Победы» երգի հեղինակն է, հայրական կողմով հայ է. հայրը Լեռնային Ղարաբաղից է: Նույնը նաև Անդրեյ Բաբաևը, Միքայել Թարիվերդիևը:

«Նրանք բոլորը հայ կոմպոզիտորներ են, ու Հայաստանը պետք է հպարտանա նրանցով ու երբեք չմոռանա այս երգերը: Ինձ համար թանկ են այն հայ կոմպոզիտորներները, որոնք իրենց գործերում հայկական բնավորություն են մտցրել: Ես միշտ կարողանում եմ կռահել՝ թե որն է հայկական երաժշտություն», - հավելեց երգիչը:

Ամբողջական հոդվածը կարող եք կարդալ այստեղ։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել