Yerkir.am-ը գրում է.
Ընտանեկան բռնության վերաբերյալ հերթական գործն ուղարկվել է Աջափնյակ և Դավթաշեն վարչական շրջանների ընդհանուր իրավասությա դատարան: Այս մասին Yerkir.am-ը տեղեկացավ դատական տեղեկատվական համակարգից:
Համաձայն մեղադրական եզրակացության՝ Է. Միքայելյանին Երևանի մանկապարտեզներից մեկի բակում իր և կնոջ միջև կենցաղային հարցերի շուրջ ծագած վիճաբանության ընթացքում ծեծի է ենթարկել կնոջը` նրան պատճառելով առողջության թեթև վնասի հատկանիշներ չպարունակող մարմնական վնասվածքներ: Բացի այդ` 2017 թվականի հունիսին Դավթաշենի իրենց բնակարանում կրկին ծեծի է ենթարկել կնոջը:
Վիճաբանության ժամանակ միջամտելու պատճառով Է. Միքայելյանը ծեծի է ենթարկել նաև իր անչափահաս որդուն` նրան պատճառելով առողջության թեթև վնասի հատկանիշներ չպարունակող մարմնական վնասվածք:
Հերթական անգամ նույն բնակարանում հայրն անհիմն սկսել է բարկանալ որդու վրա և ծեծի ենթարկել նրան: Է. Միքայելյանին մեղսագրվում է հանրորեն վտանգավոր արարքների կատարում երեք դրվագով:
Տղամարդուն մեղադրանք է առաջադրվել ՀՀ ՔՕ 118 (ծեծ) հոդվածի հատկանիշներով: Նրա նկատմամբ խափանման միջոց է ընտրվել չհեռանալու մասին ստորագրությունը: