«Քաղաքական վերլուծաբան Սարո Սարոյանը կարծում է, որ Ազգային ժողովը, սկսած քրեաօլիգարխիկ համակարգի ձևավորման փուլից, չի արդարացրել և այսօր էլ չի արդարացնում հանրության սպասելիքները: «ԱԺ-ն աշխատում է ոչ թե ի շահ հանրության, այլ ի շահ քրեաօլիգարխիայի: Այնտեղ ներկայացված անձինք ներկայացնում են իրենք իրենց և այն օլիգարխիկ շրջանակները, որոնք պետության կառավարման ղեկը վերցրել են իրենց ձեռքը: Պետք չէ սպասել, որ Ազգային ժողովը կներկայացնի հանրության շահերը»,- ասաց Սարո Սարոյանը: Հարցին, թե ինչով է տարբերվում ներկա խորհրդարանը նախորդից, քաղաքական վերլուծաբանն արձագանքեց. «Ըստ էության՝ ոչնչով: Քրեական օլիգարխիան անընդհատ գնում է ավելի շատ նյութական բարիքների կուտակման, հարստահարման, ինքնախժռման ճանապարհով, իսկ այդ հարստահարումն անսպառ չէ: Եվ ինքնախժռման գնալու ճանապարհին ավելի խոշորները կարողանում են մի քիչ ավելի թույլերին կուլ տալ: Իհարկե, որոշակի քվոտա էլ տրված է «ընդդիմությանը»՝ դեմոկրատական ֆասադն ապահովելու համար: Մյուսներն էլ փորձում են իրենց գայլային ախորժակի միջոցով պաշտոնների տեր դառնալ, որպեսզի երկրում որոշակի արժեք ներկայացնեն և իրենց կապիտալը երաշխավորեն»»,-գրում է թերթը:
Նյութն ամբողջությամբ կարդացեք թերթի այսօրվա համարում:
