Սեպտեմբերի 7-ին, ժամը 19:11-ին ահազանգ է ստացվել, որ Երևան քաղաքի Բաբաջանյան փողոցի 149-րդ շենքի բնակարաններից մեկի բնակիչը (1967 թ. ծնված Հ. Տ. ) ինքնասպանություն գործելու նպատակով վնասել է բազկերակները:
Դեպքի վայր են մեկնել մեկ մարտական հաշվարկ, Ճգնաժամային կառավարման ազգային կենտրոնի օպերատիվ խումբը և հոգեբանական խորհրդատվության գծով կրտսեր հրահանգիչը:
Մինչ փրկարարների՝ դեպքի վայր հասնելը դուռը բացվել է տեղի ուժերով:
Պարզվել է, որ Հ. Տ.-ը վնասել է բազկերակները:
Շտապօգնության աշխատակիցները քաղաքացուն տեղում ցուցաբերել են համապատասխան օգնություն: Հ. Տ.-ը տեղափոխվել է Աստղիկ ԲԿ, որտեղ բժիշկները նրա առողջական վիճակը գնահատել են բավարար: ԱԻՆ ՃԿԱԿ հոգեբանական աջակցության բաժնի հրահանգիչը 1968 թ. ծնված Ռ. Թ.-ին և 1967 թ. ծնված Հ. Տ.-ին տրամադրել է հոգեբանական աջակցություն:
