Հայազգի երկու ռեժիսորներ կներկայացնեն իրենց ֆիլմերը Վենետիկյան կինոփառատոնում

Հայազգի երկու ռեժիսորներ կներկայացնեն իրենց ֆիլմերը չորեքշաբթի մեկնարկած 74-րդ Վենետիկյան կինոփառատոնում։ Գլխավոր մրցանակի՝ «Ոսկե առյուծի» համար կպայքարի 21 ֆիլմ, այդ թվում հայտնի ֆրանսահայ ռեժիսոր, դերասան Ռոբերտ Գեդիկյանի «Վիլլան»։ Այս մասին հայտնում է rusarminfo-ն։

Վենետիկյան կինոփառատոնում մրցույթից դուրս կներկայացվի նաև Ջիվան Ավետիսյանի «Վերջին բնակիչը» ֆիլմը։

Ծրագրվում է, որ «Վերջին բնակիչը» ֆիլմի ցուցադրությունը կկայանա սեպտեմբերի 5-ին՝ փառատոնի Venice Production Bridge բաժնում։