Azatutyun.am-ը գրում է.
Սևան քաղաքի բնակիչ Սևակ Ոսկանյանի հաղորդման հիման վրա Հատուկ քննչական ծառայությունը քրեական գործ է հարուցել՝ իրավապահների կողմից քաղաքացուն խոշտանգելու և բռնության գործադրմամբ ցուցմունք տալուն հարկադրելու հիմքով։
Սևանի 26-ամյա բնակչի պնդմամբ, օգոստոսի 18-ին ոստիկանության Գեղարքունիքի մարզային վարչությունում մի քանի իրավապահներ խոշտանգել են իրեն ու սպառնացել վնասել ընտանիքի անդամներին։ Սևակ Ոսկանյանը հարկադրված կեղծ խոստովանական ցուցմունք է տվել ու հանցագործություն կատարելու համար անհիմն մեղադրել է Հայկ Ավանեսյանին։
«Դիմակներով աշխատակիցները նրան բերման են ենթարկել Գավառի ոստիկանության վարչություն Սևան քաղաքից։ Իրենց ցանկալի ցուցմունքը կորզելուց հետո ազատ են արձակել»,- պատմում է Սևակ Ոսկանյանի փաստաբան Կարեն Ղոնյանը։
Այս պատմությունը հանրային մեծ հնչեղություն ստացավ այն բանից հետո, երբ պատգամավոր Նիկոլ Փաշինյանը հրապարակեց Ոսկանյանի՝ գլխավոր դատախազին ուղղված դիմումը: Դրանից հետո դատախազությունը գործն ուղարկեց Հատուկ քննչական ծառայություն։ Նամակում քաղաքացին մանրամասն պատմում է, թե ինչպես են իրավապահները ծեծել իրեն, սպառնացել, հայհոյել և նվաստացրել՝ մոտ 10 ժամ շարունակ ապօրինի զրկելով ազատությունից։
Ամբողջական հոդվածը կարող եք կարդալ այստեղ։