Սիրո մասին բոլոր պատմություններն էլ հեքիաթների են նման, ճիշտ է, բայց այս պատմությունը, որ կներկայացնենք ստորև, ավելին է, քան հեքիաթը:
Անցյալ շաբաթ Մալայզիայի սուլթանի միակ դուստրը՝ Թունկու Թուն Ամինան, ամուսնացավ հոլանդացի նախկին ֆուտբոլիստ, այժմ Սինգապուրի ֆուտբոլային ակումբի մարքետինգային մենեջեր Դենիս Մուհամադ Աբդուլահի հետ:
Մալայզիայի սուլթանի միակ դուստեր ընտրյալը իրենից 3 տարով փոքր է: Նրանց ամուսնության կապակցությամբ կազմակերպվել է ժամանակակից ճոխություններն ու հին ավանդույթները համադրող խնջույք:
Հայտնի է, որ 31-ամյա արքայադուստրն ու նրա 28-ամյա ընտրյալը հանդիպել են սրճարանում: Երիտասարդների կապը տևել է 3 տարի, ինչից հետո հոլանդացին կրոնափոխ է եղել, փոխել է քրիստոնեական անունը (Դենիս Վերբաաս) ու այլազգի գեղեցկուհու հետ ամուսնանալու իրավունք ստացել:
Թունկուի ազդեցիկ ծնողները չփորձեցին խոչընդոտել իրենց աղջկան ընտրությունը: Նրանք նույնիսկ ցանկացան, որ հարսանիքը ցուցադրվի ուղիղ եթերով:
Զույգի պսակադրության արարողությունը տեղի է ունեցել թագավորական ընտանիքի նստավայրում, որտեղ հավաքվել են ընտանիքի անդամները, ընկերները՝ մոտ 1200 մարդ:
