«Գոգոլ կենտրոն» մոսկովյան թատրոնի գեղարվեստական ղեկավար, ռեժիսոր Կիրիլ Սերեբրեննիկովը ձերբակալվել է՝ 68 միլիոն ռուբլու չափով մեքենայությունների կասկածանքով։ Այդ մասին հայտնում է Ռուսաստանի քննչական կոմիտեն։
Առաջիկայում նրան կառաջադրվի մեղադրանք։
Անցած մայիսին բյուջետային միջոցների յուրացման գործով ազատական հայացքներով ռեժիսորի հիմնադրած թատրոնում ու բնակարանում իրավապահները խուզարկություններ են իրականացրել։ Նա հարցաքննվել է որպես վկա։
Քննչական մարմինը, մասնավորապես՝ պնդում է, որ 2012 թվականին գումարներ են հատկացվել «Ամառային գիշերվա երազներ» ներկայացումը բեմադրելու նպատակով, որն այդպես էլ չի բեմադրվել։ Մինչդեռ ներկայացումը մի քանի տարի է ինչ «Գոգոլ կենտրոնի» մշտական խաղացանկում է և մշտապես խաղում են։
Ամբողջական հոդվածը կարող եք կարդալ այստեղ:Նյութի աղբյուր՝ https://www.azatutyun.am/a/28690000.html
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել