Ֆրանսիական The Voice Kids երաժշտական նախագծի կույր լսումների ժամանակ հայազգի Մոնիկան իր կատարմամբ ստիպել է ժյուրիի անդամներին պտտվել իր կողմ։ 

13-ամյա աղջիկը ֆրանսիական հեռուստաշոուի բեմում կատարել է Ուիթնի Հյուսթոնի հանրահայտ I have nothing ստեղծագործությունն ու գովեստի խոսքերի արժանացել ժյուրիի անդամների՝ ֆրանսիացի կատարողներ Պատրիկ Ֆիորիի, Մ.Պոկորայի և Ջենիֆերի կողմից։

Մոնիկան հեռուստաշոուի աստղային ժյուրիին ասել է, որ բեմում է 3 տարեկանից և կարող է կատարել 5 լեզուներով, այդ թվում հայերեն։

Մոնիկան խոստովանել է, որ Շառլ Ազնավուրի երկրագուն է և հպարտանում է իր հայկական արմատներով։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել