Ազգային ժողովի փոխնախագահ, Հանրապետական կուսակցության խոսնակ Էդուարդ Շարմազանովը երեկ կրկին հայտարարեց, թե Հայաստանի անդամակցումը Եվրասիական տնտեսական միությանը արդարացված է, իսկ կառույց դուրս գալու հարցը «արհեստական օրակարգ է»:
«Եթե մենք չմտնեինք Եվրասիական տնտեսական միություն, Հայաստանի կոնյակը, որը Եվրոպայում բրենդի է կոչվում, պետք է Ֆրանսիայում կամ Մեծ Բրիտանիայում վաճառեի՞նք: Ի վերջո, մենք միացել ենք 180 միլիոնանոց շուկայի, որը մեզ մեծ հնարավորություն է տալիս զարգացման: Մենք գտնում ենք, որ սա արհեստական օրակարգ է Հայաստանի քաղաքական կյանքի համար», - ասաց Շարմազանովը:
Եվասիական տնտեսական միությունից դուրս գալու գործընթաց սկսելու անհրաժեշտության մասին «Ելք» դաշինքից Էդմոն Մարուքյանն էր բարձրաձայնել դեռ մեկ ամիս առաջ՝ այն բանից հետո, երբ Ռուսաստանում կատարված օրենսդրական փոփոխությունների հետևանքով հայաստանյան վարորդական իրավունքով Ռուսաստանում աշխատելն անհնար դարձավ:
Ամբողջական հոդվածը կարող եք կարդալ այստեղ
