Panorama.am-ը գրում է.

Թուրքիայի Քոնյա նահանգի Աքշեհիր շրջանում գտնվող հայկական եկեղեցին կվերանորոգվի:  Թուրքիայում լույս տեսնող հայկական «Ակոս» թերթի կայքին հղում անելով՝ «Էրմենիհաբեր»-ը գրում է, որ Հոջա Նասրեդդինի «Համաշխարհային հումորի գյուղ» նախագծի շրջանակներում վերանորոգվելուց հետո եկեղեցին կվերածվի մշակութային կենտրոնի: Իսկ եկեղեցու հարևանությամբ գտնվող քահանայատունը կծառայի որպես փոքրիկ հյուրատուն:

Նախագիծն իրականացվում է Աքշեհիրի քաղաքապետարանի և Թուրքիայի զարգացման նախարարության համագործակցությամբ: Աքշեհիրի քաղաքապետ Սալիհ Աքքայայի խոսքով՝ նախատեսվում է նաև տարածքում գտնվող հայկական բաղնիքի վերանորոգումը, որը, սակայն, կավարտվի առաջիկա տարիների ընթացքում:

Ամբողջական հոդվածը կարող եք կարդալ այստեղ

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել