Operativ.am-ը գրում է․

Ռուսաստան Լիբերալ-Դեմոկրատական կուսակցության առաջնորդ Վլադիմիր Ժիրինովսկին վայրենիություն և բարբարոսություն է անվանել մոսկվացի կին զբոսաշրջիկի վրա հարձակումը, ով ավելի վաղ հաղորդել էր, որ իրեն ծեծել են Ալանիայում «Kirman Hotels Arycanda De Luxe» հինգաստղանի հյուրանոցում: Այս մասին գրում է Life.ru-ն:

«Մենք հորդորում ենք՝ խուսափեք Թուրքիայում հանգստանալուց: Ձեր ինչի՞ն են պետք այդ բոլոր ռիսկերը: Բացի այն, որ թուրքական հյուրանոցներում աշխատակազմը հաճախ իրեն դրսևորելու ձև չգիտի, նրանք իրենց ահա այսպիսի քայլեր են թույլ տալիս: Մի՛ տարվեք ցած գներով, գովազդով. արժանապատվությունն ու առողջությունն ավելի թանկ են»,- նշել է Ժիրինովսկին:

Տուժածն ավելի վաղ պատմել էր, որ լուսանկարել է ծանոթներին, երբ իրեն անծանոթ մեկն է մոտեցել: Նա խոստացել է, որ այդ կնոջ համար դա կլինի վերջին ֆոտոշարքը: Դրանից հետո ծեծկռտուք է սկսվել: Մոսկվայում կնոջ մոտ գլխի վնասվածք են ախտորոշել:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել