Armsport.am-ը գրում է.
«Բարսելոնայի» ղեկավարությունը ջանքեր է գործադրում «Լիվերպուլի» կիսապաշտպան Ֆիլիպե Կոուտինյոյի տեղափոխությունը հնարավորինս արագ ձևակերպելու համար:
«Marca»-ն հայտնում է, որ կատալոնացիները հույս ունեն տրանսֆերն իրականացնել մինչև օգոստոսի 12-ը:
Շտապողականությունը պայմանավորված է նրանով, որ օգոստոսի 13-ին «Բարսելոնան» Իսպանիայի Սուպերգավաթի շրջանակում մրցելու է «Ռեալի» հետ, և ակումբում ցանկանում են, որ Կոուտինյոն մասնակցի այդ խաղին:
Երեկ ԶԼՄ-ները տեղեկատվություն էին տարածել այն մասին, որ «Բարսելոնան» համաձայնության է եկել «Լիվերպուլի» հետ 25-ամյա բրազիլացու տեղափոխության շուրջ:
Գործարքի արժեքը` ներառյալ բոնուսները, կարող է հասնել մինչև 120 մլն եվրոյի:
Ավելի վաղ «Լիվերպուլի» ղեկավարությունը բազմիցս հերքել է Կոուտինյոյի հնարավոր տեղափոխության մասին լուրերը` նշելով, որ բրազիլացին չի վաճառվում:
