Կոլոռեկտալ քաղցկեղի տարածվածությունը գնալով աճում է: Ցավոք, այդ հիվանդության ախտանիշները շատ դժվար է տարորոշել, ինչն էլ պատճառ է դառնում, որ հիվանդներից շատերը չափազանց ուշ են դիմում բժշկի: Ներկայացնում ենք կոլոռեկտալ քաղցկեղի առավել տարածված ախտանիշները:
1. Ցնցումներ
Եթե փորի ցավերն ու կծկումները հաճախակի են, պետք է անհանգստանալ և դիմել բժշկի:
2. Հոգնածություն
Եթե դուք մշտապես հոգնածության զգացում ունեք նույնիսկ այն ժամանակ, երբ առողջ սնունդ եք ընդունում և լավ քնում եք, ուրեմն՝ օրգանիզմը լուրջ խնդիր ունի:
3. Քաշի անսպասելի կորուստ
Քաշի անսպասելի անկման պատճառն այն է, որ քաղցկեղածին բջիջները մարմնից շատ էներգիա են խլում, և իմունային համակարգը ստիպված է լինում ավելի ինտենսիվ աշխատել հիվանդության տարածումը կանխելու համար: Իսկ հաստ աղու քաղցկեղի հետևանքով առաջացած ուռուցքը կարող է աղիների անանցանելիություն առաջացնել, ինչն էլ հանգեցնում է քաշի կորստին:
4. Աղիների անկանոն գործունեությունը
Չարորակ պոլիպները սովորաբար ազդում են աղիների գործունեության վրա:
5. Արյան հետքեր արտաթորանքի մեջ
Եթե դուք արյան հետքեր եք նկատում ձեր արտաթորանքի մեջ, անհապաղ դիմեք բժշկի:
Հաստ աղու քաղցկեղը կանխելու համար սննդի մեջ ավելացրեք մրգերի, բանջարեղենի և ամբողջահատիկի քանակը: Մարմնամարզությամբ զբաղվեք: Մի՛ ծխեք, սահմանափակեք ալկոհոլի օգտագործումը և հետևեք ձեր մարմնի քաշին: