Մայամիում plus size մոդելների մասնակցությամբ կայացած ցուցադրությունը մեծ աղմուկի պատճառ է դարձել: Ցուցադրության կազմակերպիչ «Sports Illustrated» հանդեսին մեղադրել են ճարպակալման քարոզչություն անելու մեջ, իսկ ոչ ստանդարտ կազմվածքով մոդելներին բեմ հանելը անպատասխանատվություն են որակել:
«Եթե նորաձևության ինդուստրիան հրաժարվում է շատ նիհար մոդելներից, ուրեմն արժե հրաժարվել նաև անառողջ կազմվածքով մոդելներից և չընկնել ծայրահեղության գիրկը» ,- գրել է ավստրալական թերթերից մեկը:
Այս հոդվածի հեղինակի հետ համակարծիք են նաև մի շարք փորձագետներ: Ավստրալիայի բժշկական ասոցիացիայի Հարավային Ուելսի մասնաճյուղի ղեկավար Բրեդ Ֆրենկամը, օրինակ, այսպես է արտահայտվել. «Գեր կամ ճարպոտ մոդելների մասնակցությամբ ցուցադրություն կազմակերպելը նույնն է, ինչ ծխախոտը ձեռքին մոդելներին բեմ հանելը: Չէ՞ որ մենք հասկանում ենք, որ ծխելը վնասակար է առողջությանը և ծխելու քարոզ չի կարելի տանել: Այսպես է նաև այս դեպքում. երբ plus size մոդելները բեմում հագուստ են ցուցադրում, նշանակում է, որ մենք համաձայն ենք ճարպակալման մտքի հետ, իսկ դա վտանգավոր է»:
Ամբողջական հոդվածը կարող եք կարդալ այստեղ:
Նյութի աղբյուր՝ http://life.panorama.am/hy/news/2017/08/07/obesity/642583
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել