1942 թվականի օգոստոսի 15-ին անհետացած Մարսելին և Ֆրանսին Դումոլեն ամուսինների մարմինները 75 տարի անց հայտնաբերվել են Շվեյցարական Ալպերում՝ Ցանֆլեուրան սառցադաշտի վրա:
75 տարի ամուսինների ճակատագրից ոչինչ հայտնի չի եղել:
Նրանց 7 երեխաները՝ 5 տղաներն ու 2 աղջիկները, որբ են մնացել ու ծնողների երկամսյա անօգուտ որոնումներից հետո ուղարկվել են որդեգրյալ ընտանիքներ ու օտարացել:
1942-ի այդ օրը 40-ամյա կոշկակար Մարսելիենն ու 37-ամյա ուսուցչուհի Ֆրանսինը տնից դուրս են եկել ու ուղևորվել լեռներ՝ մարգագետնում արածող կովերին կթելու:
Դրանից հետո ամուսիններին ոչ ոք չի տեսել: Ամուսինների դուստրերից մեկի պատմելով՝ իրենց մայրն առաջին անգամ է հոր հետ նման ճանապարհորդության մեկնել, քանի որ ամբողջ ժամանակ կա՛մ հղի է եղել, կա՛մ էլ զբաղվել է երեխաների խնամքով:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
