Գրիգոր Արծրունին գտնում էր, որ հայ ժողովուրդը պետք է հեռու մնա սոցիալիստական շարժումներից, որոնք 19-րդ դարի 70-ական թվականներից սկսած լայնորեն տարածվում էին Ռուսաստանում։ Ըստ Արծրունու՝ «մեր բնավորությանը հակառակ է սոցիալիզմի որևէ գաղափար, մեզ անհասկանալի են այդ երազական մտքերը։ Սոցիալիզմը հակառակ է մեր բնավորությանը և մենք պետք է մեր բոլոր ջանքերը գործ դնենք մեր անդրկովկասյան ազգությունների, հայերի, թուրքերի և վրացիների ինքնակրթության գործը առաջ տանելու»։

Հետաքրքիր է, որ Արծրունու գնահատականը իրականության այնքան էլ չէր համապատասխանում։ Թեև մենք՝ հայերս, ինչ-որ առումով պահպանողական ենք, սակայն հեղափոխական գաղափարները լայնորեն տարածվել են հայկական միջավայրում։ Դրանց մի մասը գալիս էր Եվրոպայից, մի մասը՝ Ռուսաստանից, ու մենք զգալի թվով հեղափոխականներ ենք ունեցել։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել