168.am-ը գրում է.
Ռուսաստանը պատրաստ է Մոսկվայում կազմակերպել Պաղեստինի նախագահ Մահմուդ Աբբասի և Իսրայելի վարչապետ Բինյամին Նեթանյահուի հանդիպումը: Ինչպես հաղորդում է ՏԱՍՍ-ը, այդ մասին հայտարարել է ՄԱԿ-ում ՌԴ մշտական ներկայացուցչի տեղակալ Վլադիմիր Սաֆրոնկովը՝ Անվտանգության խորհրդի նիստում:

Նրա խոսքով, Երուսաղեմի սուրբ տարածքների շուրջ լարվածության աճի պայմաններում անհրաժեշտ է ոչ միայն «կայունացնել առկա իրավիճակը», այլ նաև «բացել իրական քաղաքական հորիզոններ պաղեստինա-իսրայելական հակամարտության կարգավորման համար՝ կողմերի միջև ուղիղ բանակցությունների միջոցով, միջազգային իրավունքի հիման վրա»:

«Հաստատում ենք Մոսկվայում նախագահ Աբբասի և վարչապետ Նեթանյահուի հանդիպումը անցկացնելու մեր նախաձեռնությունը»,- ասել է նա:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել