Վերջին 200 հազար տարվա ընթացքում մարդը շատ է առաջ գնացել, եթե խոսենք էվոլյուցիայի մասին:

Նույնիսկ չնայած այն բանին, որ մենք շատ նման ենք մեր նախնիներին, ժամանակակից մարդը տարբերվում է շատ ֆիզիկական և անատոմիական առանձնահատկություններով:

Դա ապացուցում են թերաճ օրգանները, որոնք տարածված են մարդու օրգանիզմով մեկ:

Գիտնականները թերաճ օրգան են համարում մարմնի այն մասերը, որոնք ժամանակի ընթացքում կորցրել են իրենց ֆունկցիան, բայց դեռ պահպանված են մարդու օրգանիզմում:

Թերաճ օրգանների վառ օրինակներ են կույրաղիքը, սագամաշկը, իմաստության ատամները, նշիկները, տղամարդու պտուկները և արտաքին ականջը:

Հնում մարմնի այս հատվածները կարևոր ֆունկցիաներ էին կատարում մարդու օրգանիզմում, բայց այսօր դրանցում ոչ մի անհրաժեշտություն չկա:

Ինչպե՞ս հետևել սեփական օրգանիզմի էվոլյուցիային: Ամեն ինչ շատ հեշտ է: Ձեռքերը դրեք հարթ մակերևույթի վրա՝ ափերը դեպի վեր: Իրար կպցրեք բութ մատը և ճկույթը, իսկ հետո մի փոքր վեր բարձրացրեք:

Եթե դուք ջիլ նկատեք դաստակի վրա, դա նշանակում է, որ դուք նախաբազուկում թերաճ մկան ունեք: Այն կոչվում է երկար դաստակային մկան: Եթե մկանը բացակայում է մեկ կամ երկու ձեռքերի վրա էլ, ապա Դուք մտնում եք մարդկության 10­-15%-­ի մեջ:

Եթե չեք հայտնաբերել այդ մկանը, անհանգստանալու ոչ մի առիթ չկա: Ժամանակակից կյանքում այն անօգուտ մի բան է: Հետազոտությունները ցույց են տվել, որ այդ մկանը ոչ մի ազդեցություն չունի ձեռքերի ուժի վրա: Պարզվում է, որ այդ մկանային հյուսվածքները պատասխանատու են կենդանիների ճանկերի առաջացման համար:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել