Իդեալական մաքրություն ընդամենը 60 րոպեում:
1. Սպիտակափայլ վաննա
Վաննան դեղնությունից մաքրելու, սպիտակեցնելու, բակտերիաներից և կեղտից մաքրելու համար 4 լ. տաք ջուրը խառնիր կես բաժակ քացախի, 1 բաժակ սպիրտի և քառորդ բաժակ սոդայի: Միջոցը լցրու մակերևույթի վրա և թող 15 րոպե: Հետո լվա սառը ջրով:
2. Մաքուր լոգարան
Եթե ցնցուղը հանվող չէ և շատ կուտակումներ կան, քացախի լուծույթը լցրու պոլիէթիլենային տոպրակի մեջ և այնպես կապիր, որ ցնցուղի գլխիկն ամբողջովին սուզվի խառնուրդի մեջ: Միջոցը թող 2 ժամ, հետո լվա տաք ջրով:
3. Թափանցիկ հայելի
Ջրածնի պերօքսիդի և կերակրի սոդայի խառնուրդ ցողիր, հետո մաքրիր սպունգով:
Կարելի է նաև սափրվելու քսուք օգտագործել, ինչից հետո հայելիները ոչ միայն կփայլեն, այլև կդադարեն քրտնել:
4. Մաքուր զուգարան
Լուծույթ պատրաստիր 10 մլ տաք ջրով, 3 գ. սոդայով և 2 գ. կիտրոնի հյութով (հյութն աստիճանաբար խառնիր): Միջոցն օգտագործիր զուգարանակոնքը մաքրելու համար:
Միջոցը քսելուց հետո սպասիր 2 ժամ և լվա զուգարանի խոզանակով:
5. Զուգարանի խոզանակ
Խոզանակը խտացված լվացող միջոցով ամանի մեջ դիր (որը հետո չես ափսոսա դեն նետել): Այնտեղ ավելացրու կես բաժակ սոդա, 2 ճ. գ. աղ, քառորդ բաժակ քացախ և ամենի վրա եռացած ջուր լցրու: Մեկ ժամ անց խոզանակը կդառնա ինչպես նորը:
6. Փայլող ծորակներ
Ժանգից ազատվելու համար կերակրի աղ ցանիր ժանգի վրա, վրան կիտրոնի հյութ լցրու:
Լուծույթը թող գիշերը, առավոտյան լվա ջրով:
7. Թարմ առաստաղ
Առաստաղի վրայի բծերից և փոշուց ազատվելու համար դույլի մեջ հավասար քանակությամբ ջուր և քացախ լցրու: Շվաբրով և այդ լուծույթով մաքրքիր լոգասենյակի առաստաղը:
