G-20-ին ընդառաջ սպասվում է Դոնալդ Թրամփի ու Վլադիմիր Պուտինի երկար քննարկված հանդիպումը։ Ավելի ճիշտ՝ հենց այդ ձևաչափի ընթացքում։ Սա ԱՄՆ նախագահական ընտրություններից հետո երկու երկրների առաջին հանդիպումն է լինելու որպես նախագահներ։ Հասկանալի է, որ հանդիպումներից շատ բան ակնկալել պետք չէ, սակայն, օրինակ, եթե Պուտինն ու Թրամփը հանդիպման ընթացքում երկու երկրների միջև հարաբերությունները կարգավորելու համար ինչ-որ շփման եզրեր չգտնեն, կարող ենք համարել, որ ԱՄՆ-Ռուսաստան հարաբերություններում ճգնաժամը կշարունակվի։ Մի քանի շաբաթ առաջ Պուտինը լրագրողների հետ հանդիպման ժամանակ նշել էր, որ Ռուսաստանում ամերիկացի ինվեստորների կողմից երկարաժամկետ ներդրումներ են արվում երկրի տնտեսության մեջ, ու նրանք չպետք է տուժեն քաղաքական տարաձայնությունների պատճառով։ Պուտինը նաև վերջիններիս համարել էր Ռուսաստանի բարեկամներ։ Թրամփը կարծես թե այժմ տատանվում է (ի վերջո, Ռուսաստանի հանդեպ սանկցիաների կոորդինացնողը հենց ԱՄՆ-ն է)՝ արժե տնտեսական պատժամիջոցները տեղափոխել նաև քաղաքական ոլորտ, թե ոչ։ Երբ այս հարցում հստակություն մտցվի, այդ ժամանակ էլ պարզ կդառնա, թե ինչպես կդասավորվեն ոչ միայն երկու երկրների, այլև համաշխարհային քաղաքական հարաբերությունները։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել