«Սասնա ծռեր» խմբի գործը քննող Էրեբունի և Նուբարաշեն վարչական շրջանների ընդհանուր իրավասության դատարանի դատավոր Արտուշ Գաբրիելյանը դիմել է Փաստաբանների պալատի նախագահ Արա Զոհրաբյանին՝ նախօրեին դատարանում տեղի ունեցած միջադեպի հետ կապված:
Այդ մասին մեր հարցին ի պատասխան հայտնեց ՀՀ դատական դեպարտամենտի արարողակարգի և հասարակայնության հետ կապերի վարչության պետ Արման Խաչատրյանը: Նա մեզ փոխանցեց դիմումը, որին կից ներկայացվել է նաև այն թուղթը, որը մինչև գործով դատավարության մեկնարկը «Սասնա ծռեր» խմբի անդամ Արեգ Կյուրեղյանը փորձել է փոխանցել իր պաշտպան Արա Ղարագյոզյանին:
Ներկայացվում է դատավորի կողմից Փաստաբանների պալատի նախագահ Արա Զոհրաբյանին ուղղված ամբողջական դիմումը: Գործով հունիսի 28-ին դատական նիստից առաջ Ոստիկանության ուղեկցող գումարտակի ծառայողները կանխել են ամբաստանյալների կողմից փաստաբան Արա Ղարագյոզյանի միջոցով միմյանց ձեռագիր գրառումով թուղթ փոխանցելու փորձ:
Թղթի վրա առկա են եղել, մասնավորապես, հետևյալ գրառումները.
«1. Ժողովրդին (հատկապես երիտասարդությանը) ոգևորել
2.Ինքնակազմակերպմանը օժանդակելու
3.Մեր ազգային օրակարգը Արցախի միացմամբ նոր հանրապետություն, հետո կուր-արաքսյան տարածքի վերահայացում
4.Մեր գաղափարները տարածելու
5.Աշխարհին հասկացնելու, որ հայերին հնարավոր չէ ստրկացնել և մենք ազատվելու ենք գաղութատիրությունից
6.Դատավարությունը շուռ տալու և վերածելու ռեժիմի մահավճռի
7.Լինելու կազմակերպված և պայքարը շարունակելու մինչև հաղթանակ
8.Հետևել մեր առողջության, այն միայն մերը չէ, նաև պայքարի համար է»:
Դատական նիստից հետո փաստաբանը լրատվամիջոցների հետ զրույցում հայտարարել է, թե նշված թղթի վրա առկա գրառումները հանդիսանում են փաստաբանական գաղտնիք կազմող տեղեկություններ, որոնք հասցեագրված են եղել իրեն:
Նշված տեքստի բովանդակությունից ակնհայտ է, որ դրա տարածումն ուղղված է գործի դատական քննությունը կազմակերպված կերպով խոչընդոտելուն, իսկ փաստաբանը, իր հայտարարությանը չհամապատասխանող տեղեկություններ հայտնելով, փորձել է օրինականացնել վերը նշված գործողությունները՝ իրավաբանական օգնություն ցույց տալու որևէ առնչություն չունեցող փաստաթղթի բովանդակությունը ներկայացնելով որպես օրենքով պահանջվող փաստաբանական գաղտնիք»,-գրում է թերթը:
Նյութն ամբողջությամբ կարդացեք թերթի այսօրվա համարում:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել