««Համախմբում» կուսակցությունում սպասողական վիճակ է, Վարդան Օսկանյանն առայժմ ծրագրեր չունի կամ կուսակիցներին չի ասում: Մտերիմներին ասել է, որ առայժմ կզբաղվի դասախոսություններով, սպասում է 2018թ.՝ տեսնի, թե ինչ զարգացումներ են լինում: Իսկ «Համախմբման» ապագայի հարցում թերևս հստակություն կլինի աշնանը: Կուսակցության անդամներն էլ խորը ապատիայի մեջ են: «Համախմբման» կորիզը՝ ԲՀԿ-ից անջատված պատգամավորները, եթե ՕՐՕ դաշինքը չլիներ, կհանգրվանեին Գագիկ Ծառուկյանի հարկի տակ և կանցնեին ԱԺ: Հիմա ցաքուցրիվ վիճակում են. Էլինար Վարդանյանը մարդու իրավունքների հիմունքներ է դասավանդում Հյուսիսային համալսարանում, դեռ պատգամավորական շրջանից: Մեր տեղեկություններով՝ վերջերս վերականգնել է փաստաբանական լիցենզիան և, հավանաբար, սեպտեմբերից գործեր կվերցնի: Ստեփան Մարգարյանը, Հայկ Խաչատրյանը, Վահե Հովհաննիսյանն առայժմ հանգստանում են: Հայկ Խաչատրյանը պարբերաբար մեկնում է ԱՄՆ և վերադառնում: Օրերս մեր թղթակիցը զանգահարել էր նրան՝ տեղեկանալու առաջիկա պլանների մասին, սակայն նա, լսելով, որ զանգահարողը լրագրող է, անմիջապես անջատել էր հեռախոսը: Էլինար Վարդանյանը ևս, որ ժամանակին լրագրողների համար ամենամատչելի անձանցից էր, ընտրություններից հետո ասում է՝ ես պատրաստ չեմ հարցազրույց տալու»,-գրում է թերթը:
Նյութն ամբողջությամբ կարդացեք թերթի այսօրվա համարում:
