Tert.am-ը գրում է.
Կենտրոն և Նորք-Մարաշ վարչական շրջանների ընդհանուր իրավասության դատարանում հրապարակվեց «Սասնա ծռեր» խմբի անդամ Արայիկ Խանդոյանի եղբոր՝ Արարատ Խանդոյանի դատավճիռը:
Դատավոր Մնացական Մարտիրոսյանը հրապարակեց դատավճիռը, համաձայն որի՝ Արարատ Խանդոյանը մեղավոր ճանաչվեց իրեն առաջադրված մեղադրանքում.«Դատարանն Արարատ Խանդոյանին մեղավոր ճանաչեց և դատապարտեց 3 տարի 6 ամիս ազատազրկման»:
Արարատ Խանդոյանը ծափահարեց դատավճռին, իսկ հարազատները լքեցին նիստերի դահլիճը:
Նշենք, որ մեղադրող դատախազն Արարատ Խանդոյանի նկատմամբ պահանջել էր չորս տարվա ազատազրկում:
Հիշեցնենք, որ Արարատ Խանդոյանը բերման էր ենթարկվել 2016թ. հուլիսի 20-ին Խորենացի փողոցից: Նրան մեղադրանք էր առաջադրվել ՀՀ քրեական օրենսգրքի 225-րդ հոդվածով՝ զանգվածային անկարգություններին մասնակցելը, որում և ճանաչվեց մեղավոր:
Ամբողջական հոդվածը կարող եք կարդալ այստեղ