Հայաստանի ռազմարդյունաբերական զարգացման ծրագիրն իրատեսական է, զենքի արտադրության մասով ևս նշած է այն տեսակների արտադրության զարգացումը, որի պոտենցիալը մենք ունենք: Այս մասին Tert.am-ի հետ զրույցում ասաց ՀՀ պաշտպանության նախկին նախարար Վաղարշակ Հարությունյանը՝ անդրադառնալով Հայաստանի ռազմարդյունաբերական զարգացման ծրագրին, որը կառավարության կողմից նախորդ շաբաթ հավակնության է արժանացել: Այն բխում նախագահի կողմից 2017թ. հունվարին ստորագրված Ռազմարդյունաբերական և ռազմատեխնիկական քաղաքականության ռազմավարությունից:
«Խոսքը չի գնում ծանր տեխնիկայի կամ ինքնաթիռի մասին, այստեղ խոսքն այն միջոցների մասին է, որի արտադրությունը հնարավոր է իրականացնել Հայաստանում: Ծրագրում շատ ճիշտ դրված է, թե մենք ինչ պիտի արտադրենք ՝ թեթև զենք, հրաձգային միջոցներ, անօդաչու սարքեր, ռադիոլոկացիոն կայաններ, ռադիոէլկտրոնային միջոցներ, կապի միջոցներ, կապի հակազդման, փակման միջոցներ: Մենք դեռ 91թ-ից այս ուղղությամբ աշխատել ենք, ունենք որոշակի հաջողություններ, այս ծրագիրը կնպաստի, որպեսզի զարգացանենք այն՝ ապահովելով բանակի մարտունակությունը»,- շեշտեց նա:
Նախկին պաշտպանության նախարարի խոսքով՝ զենքի արտադրության մեջ պետք է հաշվի առնել, որ բանակի կարիքները կարճ ժամանակում հոգալուց հետո անհրաժեշտ է նաև մի մասը վաճառել, իսկ զենքի շուկան զարգացած, մրցունակ շուկա է, որտեղ հիմնական խաղացողներ են ԱՄՆ, ՌԴ-ն , Իսրայելը, Չինաստանը, որոնք ունեն լայնածավալ տնտեսական և գիտական պոտենցիալ, ուստի մենք ևս պետք է աշխատենք ՏՏ ոլորտի և գիտության զարգացման ուղղությամբ:
Անդրադառնալով Ադրբեջանի կողմից սպառազինության մրցավազքին՝ Վաղարշակ Հարությունյանն ասած, որ զենքի քանակը դեռևս չի խոսում հակառակորդի մարտունակության մասին:
Ամբողջական հոդվածը կարող եք կարդալ այստեղ:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել