Ամառն արդեն այստեղ է, ուստի անհրաժեշտ է հանգստի մեկնել։ Հավանաբար դուք էլ եք խուսափում մարդաշատ վայրեր ընտրելուց։ Եթե այդպես է, ապա այս ցանկը հենց ձեզ համար է։
Վերջերս Mastercard-ը հրապարակել է Եվրոպայի քիչ հայտնի, բայց նաև մատչելի ճանապարհորդական ուղղություները. այսպես կարող եք քիչ գումարով հիանալի ուղևորության գնալ։
44 ուղղություններից բաղկացած ցուցակը կազմելիս հաշվի է առնվել տեղի տուրիստական կազմակերպությունների կարծիքը, ինչպես նաև տվյալ վայրի գեղեցկությունը, մարդաշատությունը, կացարանի ծախսերը, հարմարավետությունը և, իհարկե, բանկային քարտով վճարումներ անելու տարածվածությունը։
Business Insider-ն ուսումնասիրել է ցանկը և կազմել Եվրոպայի առավել մատչելի 19 երկրները, ուր մշակութային գանձեր են թաքնված։
19. Բրեստ, Բելառուս
Տարիների ընթացքում Բրեստ քաղաքը տարբեր երկրների կազմում է եղել և այդպես դարձել տարբեր մշակույթների կրող։ 19-րդ դարում Բրեստի ամրոցը համարվում էր Բելառուսի ամենակարևոր վայրերից մեկը։
Մեկ հոգու համար սովորական ռեստորանում ճաշի միջին գինը՝ €14
3-աստղանի հյուրանոցի կամ հյուրատան երկտեղանոց սենյակում մեկ գիշեր մնալու գինը մեկ հոգու համար՝ €18
18․ Շաքի, Ադրբեջան
Ադրբեջանում վերջերս զբոսաշրջության աճ է գրանցում։ Շաքի քաղաքը լի է իսլամական ճարտարապետությամբ կառուցված շենքերով և մզկիթներով։
Մեկ հոգու համար սովորական ռեստորանում ճաշի միջին գինը՝ €15
3-աստղանի հյուրանոցի կամ հյուրատան երկտեղանոց սենյակում մեկ գիշեր մնալու գինը մեկ հոգու համար՝ €15
17․ Սևանա լիճ, Հայաստան
Չնայած Հայաստանի չնաշխարհիկ գեղեցկությանը՝ տուրիզմն այստեղ շարունակում է քիչ զարգացած մնալ, իսկ գներն առհասարակ շատ մատչելի են։ Լուսանկարում պատկերված Սևանավանքը ուղղակի պետք է սեփական աչքերով տեսնել։
Մեկ հոգու համար սովորական ռեստորանում ճաշի միջին գինը՝ €10
3-աստղանի հյուրանոցի կամ հյուրատան երկտեղանոց սենյակում մեկ գիշեր մնալու գինը մեկ հոգու համար՝ €20
16․ Գիրոկաստեր, Ալբանիա
Գիրոկաստերը Ալբանիայի՝ ՅՈՒՆԵՍԿՕ-ի կողմից պահպանվող երեք մշակութային արժեքներից մեկն է։ Այն ընկած է Դրինո և Գերե գետերի մեջտեղում։ Վայրը հայտնի է որպես Քարե քաղաք, քանի որ շենքերը կառուցված են հունական և օսմանական ճարտարապետական ոճերի համադրմամբ։
Մեկ հոգու համար սովորական ռեստորանում ճաշի միջին գինը՝ €8
3-աստղանի հյուրանոցի կամ հյուրատան երկտեղանոց սենյակում մեկ գիշեր մնալու գինը մեկ հոգու համար՝ €20
15․ Բալատոնյան լեռներ, Հունգարիա
Լեռների արանքում ընկած Բալատոն լճին տեղացիներն անվանում են «Հունգարական ծով», քանի որ այն Կենտրոնական Եվրոպայում քաղցրահամ ջուր ունեցող ամենամեծ լիճն է։
Մեկ հոգու համար սովորական ռեստորանում ճաշի միջին գինը՝ €13
3-աստղանի հյուրանոցի կամ հյուրատան երկտեղանոց սենյակում մեկ գիշեր մնալու գինը մեկ հոգու համար՝ €20
14․ Դանուբի գետաբերանը, Ռումինիա
Դանուբը Եվրոպայի երկրորդ ամենաերկար գետն է, որի գետաբերանում ապրում են ավելի քան 1200 տեսակի բույսեր, 320 տեսակի թռչուններ և 45 ձկնատեսակներ։
Մեկ հոգու համար սովորական ռեստորանում ճաշի միջին գինը՝ €10
3-աստղանի հյուրանոցի կամ հյուրատան երկտեղանոց սենյակում մեկ գիշեր մնալու գինը մեկ հոգու համար՝ €15
13․ Կաբո Քոլկա, Լատվիա
Կաբե Քոլկան ուղղակի հիասքանչ վայր է, չնայած մինչ այժմ շատ քիչ մարդիկ են այնտեղ այցելում։ Երկու ծովերի հանդիպման արդյունքում ջուրը տարբեր երանգներ է ստացել։
Մեկ հոգու համար սովորական ռեստորանում ճաշի միջին գինը՝ €14
3-աստղանի հյուրանոցի կամ հյուրատան երկտեղանոց սենյակում մեկ գիշեր մնալու գինը մեկ հոգու համար՝ €20
12․ Նարդեն, Նիդերլանդներ
Ամստերդամից 30կմ հեռու գտնվող Նարդեն քաղաքը վերևից աստղի տեսք ունի։ Այստեղ է գտնվում 16-րդ դարի ամրոցը, որը ողջ Եվրոպայում միակն է, որ արտաքին հարձակումից պաշտպանվելու համար երկակի պատեր և խրամատներ ունի իր շուրջը։
Մեկ հոգու համար սովորական ռեստորանում ճաշի միջին գինը՝ €30
3-աստղանի հյուրանոցի կամ հյուրատան երկտեղանոց սենյակում մեկ գիշեր մնալու գինը մեկ հոգու համար՝ €60
11․ Կաշուբիա, Լեհաստան
Կաշուբիա քաղաքում մի վայր կա, ուր տարիներ առաջ գնդանման քարեր են հայտնաբերվել։ Այժմ այդ վայրը հայտնի է որպես «Լեհական սթոունհենջ»։
Մեկ հոգու համար սովորական ռեստորանում ճաշի միջին գինը՝ €12
3-աստղանի հյուրանոցի կամ հյուրատան երկտեղանոց սենյակում մեկ գիշեր մնալու գինը մեկ հոգու համար՝ €20
10․ Վելիկա Պլանինա, Սլովենիա
Վելիկա Պլանինան, որը թարգմանաբար նշանակում է «մեծ արոտավայր», Սլովենիայի մայրաքաղաք Լյուբլյանայից գտնվում է ընդամենը 1 ժամ հեռավորության վրա։ Լուսանկարում պատկերվածը վաղ ժամանակներում հովիվի կառուցած ծղոտե տնակ է, որը Եվրոպայում ամենահինն է իր տեսակի մեջ։
Մեկ հոգու համար սովորական ռեստորանում ճաշի միջին գինը՝ €15
3-աստղանի հյուրանոցի կամ հյուրատան երկտեղանոց սենյակում մեկ գիշեր մնալու գինը մեկ հոգու համար՝ €40
9․ Վոլոս և Պելիոն, Հունաստան
Վոլոսի մի կեսը գտնվում է Սալոնիկում, իսկ մյուս կեսը՝ Աթենքում։ Իր չափից դուրս գեղեցիկ ծովափերով այն գրավիչ է թե՛ ամռանը և թե՛ ձմռանը։
Մեկ հոգու համար սովորական ռեստորանում ճաշի միջին գինը՝ €15
3-աստղանի հյուրանոցի կամ հյուրատան երկտեղանոց սենյակում մեկ գիշեր մնալու գինը մեկ հոգու համար՝ €25
8․ Սաարեմաա կղզի, Էստոնիա
Սաարեմաան Էստոնիայի ամենամեծ կղզին է, որը հայտնի է բազմաթիվ հողմաղացներով, ինչպես նաև տեղացիների կողմից պատրաստվող տնական գարեջրով։
Մեկ հոգու համար սովորական ռեստորանում ճաշի միջին գինը՝ €18
3-աստղանի հյուրանոցի կամ հյուրատան երկտեղանոց սենյակում մեկ գիշեր մնալու գինը մեկ հոգու համար՝ €23
7․ Պագ կղզի, Խորվաթիա
Պագ կղզում ծովը կիսալուսնի տեսք ունի, որը շատերին է գրավում։ Կղզին հայտնի է նաև տնական պանրի և ձեռագործ ժանյակի պատրաստմամբ։
Մեկ հոգու համար սովորական ռեստորանում ճաշի միջին գինը՝ €13
3-աստղանի հյուրանոցի կամ հյուրատան երկտեղանոց սենյակում մեկ գիշեր մնալու գինը մեկ հոգու համար՝ €30
6․ Լեդնիցե-Վալտիցե, Չեխիա
Լեդնիցե-Վալտիցեն արհեստականորեն կառուցված աշխարհագրական վայր է, որն իր տեսակով ամենամեծն է Եվրոպայում։ Տուրիստական հիմնական վայրերն են Լեդնիցե ամրոցը, թագավորական պալատն ու գոթական բերդը։
Մեկ հոգու համար սովորական ռեստորանում ճաշի միջին գինը՝ €10
3-աստղանի հյուրանոցի կամ հյուրատան երկտեղանոց սենյակում մեկ գիշեր մնալու գինը մեկ հոգու համար՝ €20
5․ Պերաստ, Մոնտենեգրո
Կոտորին ծոցի ափամերձ Պերաստ քաղաքը շքեղ տեսք ունի, սակայն զբոսաշրջիկների կողմից քիչ բացահայտված վայր է։ Այս փոքրիկ քաղաքում 17 եկեղեցի կա, իսկ ճարտարապետությամբ շատ նման է Վենետիկին։
Մեկ հոգու համար սովորական ռեստորանում ճաշի միջին գինը՝ €15
3-աստղանի հյուրանոցի կամ հյուրատան երկտեղանոց սենյակում մեկ գիշեր մնալու գինը մեկ հոգու համար՝ €15
4․ Ազորյան կղզիներ, Պորտուգալիա
Հրաբխային ծագում ունեցող Ազորյան կղզեխումբը Պորտուգալիայի երկու ինքնավար վայրերից մեկն է։ Լեռների արանքում թաքնված գյուղում կարելի է ուղղակի նստել ու հիանալ տեսարանով, ձկնորսությամբ զբաղվել և այլն։
Մեկ հոգու համար սովորական ռեստորանում ճաշի միջին գինը՝ €15
3-աստղանի հյուրանոցի կամ հյուրատան երկտեղանոց սենյակում մեկ գիշեր մնալու գինը մեկ հոգու համար՝ €25
3․ Զալցկամերգուտ, Ավստրիա
Զալցկամերգուտի կենտրոնում է գտնվում Հալշտատ գետը։ Ժամանակին այստեղ երթուղի էր գործում, որը Հալշտատը կապում էր մոտակա աղի հանքի հետ։
Մեկ հոգու համար սովորական ռեստորանում ճաշի միջին գինը՝ €25
3-աստղանի հյուրանոցի կամ հյուրատան երկտեղանոց սենյակում մեկ գիշեր մնալու գինը մեկ հոգու համար՝ €35
2․ Մդինա և Զեբուջ, Մալթա
Մալթան հարուստ է միջնադարյան հուշարձաններով։ Մդինայում կարող եք բարոկկո ոճով կառուցված բազմաթիվ շինություններ տեսնել, իսկ Զեբուջի ճարտարապետությունն ավելի շատ արաբական ոճով է կառուցված։
Մեկ հոգու համար սովորական ռեստորանում ճաշի միջին գինը՝ €25
3-աստղանի հյուրանոցի կամ հյուրատան երկտեղանոց սենյակում մեկ գիշեր մնալու գինը մեկ հոգու համար՝ €25
1․ Աստուրիաս և Կովադոնգա վանք, Իսպանիա
Ըստ Mastercard-ի՝ Իսպանիայի հյուսիսում գտնվող և Կովադոնգայի սքանչելի տեսարաններով շրջապատված Աստուրիաս մարզը Եվրոպայի համար մեկ թաքնված գանձն է: Ոչ շատ հեռու գտնվում է Բիսկայ ծոցը, որի ջրերը չափից դուրս մաքուր են։ Տարածաշրջանը հայտնի է նաև յուրահատուկ խոհանոցով և քայլարշավների համար նախատեսված վայրերով։ Կովադոնգա վանքն Իսպանիայի ամենակարևոր պատմական վայրն է համարվում։
Մեկ հոգու համար սովորական ռեստորանում ճաշի միջին գինը՝ €18
3-աստղանի հյուրանոցի կամ հյուրատան երկտեղանոց սենյակում մեկ գիշեր մնալու գինը մեկ հոգու համար՝ €25
