Դափնու տերևներ կան գրեթե բոլորի խոհանոցներում և դրանք օգտագործում են սննդի մեջ դարեր շարունակ։ Դրանցից համեղ ուտեստներ կարելի է պատրաստել։

Դափնու տերևն օգտակար է ինչպես թարմ, այնպես էլ չորացրած վիճակում:

Այն պարունակում է եթերային յուղեր, օրգանական թթուներ, ինչպես նաև B, A, PP, C վիտամիններ: Այն նաև հարուստ է կալիումով, մանգանով, երկաթով, ցինկով, պղնձով: Չորացված վիճակում դափնու տերևը շարունակում է պահպանել օգտակար հատկությունները։

Ներկայացրել ենք դափնու տերևի բժշկական օգտագործման եղանակներ։

Դափնու թուրմը սովորաբար օգտագործվում է օրգանիզմից անցանկալի աղերը դուրս բերելու նպատակով: Այս թուրմի մեջ առկա ակտիվ տարրերն ազդում են լեղապարկի քարերի, հոդերում աղերի կուտակման, ինչպես նաև խոլեցիստիտին հատուկ բորբոքումների վրա:

Դափնու տերևից թուրմ պատրաստելու համար պետք է 10-15 հատ տերևների վրա լցնել 300 մլ ջուր, եռացնել և եփել ցածր աստիճանի տակ 3-5 րոպե: Ստացված թուրմը լցնել թերմոսի մեջ, թողնել 4 ժամ, ապա քամել: Անհրաժեշտ է օրական երեք անգամ 1ճ/գ խմել։ Նման կուրսը պետք է տևի 3 օր: Ապա 2 շաբաթ դադար տալ և ցանկության դեպքում կրկնել:

Դափնու տերևը օգտագործվում է նաև շաքարախտի դեպքում։ Թուրմ պատրաստելու համար պետք է դափնու 10 տերևի վրա 3 բաժակ եռացրած ջուր լցնել։ Ցանկալի է այն պատրաստել ապակե կամ էմալապատ կաթսայում: Խառնուրդը պետք է թողնել, որ թրմվի 3 ժամ: Օրական 3 անգամ կես բաժակի չափով խմել՝ ուտելուց կես ժամ առաջ:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել