Դարեր առաջ թխվածքները եղել են համեղ, քաղցր, սակայն, շատ ծանր կառուցվածքով:
Եվ միայն կերակրի սոդայի օգտագործումից հետո է բիսկվիթը ստացել ներկայիս օդեղեն և սպունգանման տեսքը:
Կերակրի սոդան շատ կարևոր բաղադրիչ է խոհանոցում: Այն հաճախ է օգտագործում խոհարարության մեջ՝ որպես փափկեցնող, փխրեցնող և այլ կարևոր հատկություններ հաղորդող նյութ:
Եվ այսպես, ինչպե՞ս ճիշտ օգտագործել սոդան, որպեսզի խմորեղենը ստացվի փափուկ և փարթամ:
- Ձվից, շաքարավազից և ալյուրից բաղկացած պարզ բիսկվիթը հեշտորեն բարձրանում է նաև առանց կողմնակի օգնության, պայմանով, որ խմորը շատ է հարվել և ճիշտ է թխվել:
- Սոդան կարելի է օգտագործել ինչպես նախնական վիճակում, այնպես էլ հանգցված (մարված):
- Սոդան հանգցնելու համար հիմնականում օգտագործվում է կիտրոնի հյութ, ցանկացած այլ ցիտրուսի հյութ, ինչպես նաև բարձրորակ քացախ:
- Եթե խմորը պարունակում է թթվասեր, կաթ, մածուն, յոգուրտ կամ սերուցք, ապա պատք չէ սոդան հանգցնել:
- Եթե խմորը չի պարունակում որևէ թթու բաղադրիչ կամ կաթնամթերք, ապա սոդան հանգցնում ենք թթվային միջավայրում: Ամենաավանդական չափաբաժիններն են՝ 1 թ.գ. սոդա, 1 ճ.գ. կիտրոնահյութ կամ քացախ:
- Առավելագույն փխրուն կառուցվածք ստանալու համար սոդան ավելացնում ենք խմորին անմիջապես ջեռոցը դնելուց առաջ, քանի որ խմորեղենը բարձրանում է սոդայի և թթվային բաղադրիչի ռեակցիայի արդյունքում: Եթե այդ ռեակցիան ավարտված լինի մինչև խմորը ջեռոց տեղափոխելը, ապա խմորեղենը համարյա չի բարձրանա:
- Սոդայի մեծ քանակությունը բացասաբար է ազդում համի վրա, ուստի այն պետք է չափավոր օգտագործել:
Ի դեպ, ներկայումս շատ լայն տարածում ունի նաև փխրեցուցիրը, որն իրենից ներկայացնում է սոդայի, կիտրոնաթթվի և ալյուրի կամ օսլայի խառնուրդ:
Այստեղ կարող եք գտնել բազմաթիվ թխվածքների բաղադրատոմսեր, որոնք սոդայի շնորհիվ կլինեն փխրուն և թեթև:
Դե ինչ, հաջողություն ենք մաղթում խոհանոցում, և շատ համեղ թխվածքներ:
Նյութի աղբյուր՝ http://www.cooks.am/interest/%D5%BD%D5%B8%D5%A4%D5%A1%D5%B6-%D5%AD%D5%B4%D5%B8%D6%80%D5%A5%D5%B2%D5%A5%D5%B6%D5%B8%D6%82%D5%B4/
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել