Աշխարհի ամենահազվագյուտ անձնագիրը Մալթայի միաբանության կողմից տրվող անձը հաստատող փաստաթուղթն է: Այս մասին գրում է Daily Star-ը:
Այդպիսի անձնագիր ունեն Հռոմի կաթոլիկ եկեղեցու կրոնական կարգի մեծ մագիստրոսը, Մեծ կոմանդորը, Մեծ կանցլերը:
Մի շարք երկրներ չեն ճանաչում անձը հաստատող այդ փաստաթուղթը: Նրանց թվում են՝ Միացյալ Թագավորությունը, ԱՄՆ-ն, Նոր Զելանդիան, Նիդերլանդները, Ֆինլանդիան և այլն:
Մալթայի միաբանությունը համարվում է աշխարհի հնագույն ասպետական օրգանը (հիմնվել է 1048թ.): Այն գտնվում է Իտալիայի տարածքում (Հռոմ), նաև՝ Մալթայի: Ըստ միջազգային իրավունքի՝ Մալթայի միաբանությունը պետության նման կազմավորում է: Իսկ կազմակերպությունն իրեն համարում է լիարժեք երկիր: Միաբանությունը զբաղվում է բարեգործությամբ՝ բուժօգնություն է տրամադրում ողջ աշխարհում: