«Հրապարակ». Ես հիմա էլ եմ այդ կարծիքին. ԱԺ նախագահ լինելու համար առնվազն Սահակյան է պետք լինել. Ա. Սահակյան

«Գալուստ Սահակյանի որդին՝ պետգույքի կառավարման վարչության պետ Արման Սահակյանը, պատգամավոր չդարձավ: Թեև նա թիվ 2 ընտրատարածքում ամենաշատ ձայն ստացած ռեյտինգային թեկնածուներից էր, սակայն կուսակցությունը որոշեց, որ տնից մե­կը պետք է գնա ԱԺ, ուստի նրան թո­ղեցին կառավարությունում՝ առայժմ նույն պաշտոնին: Սակայն Սահակյանների ընտանիքը նեղանալու բոլոր հիմ­քերն ունի՝ կրտսեր Սահակյանը չգնաց ԱԺ, ավագին էլ զրկեցին ԱԺ խոսնակի պաշտոնից՝ նրա փոխարեն նշանակե­լով տարեկցին՝ 70-ամյա Բաբլոյանին: Գալուստ Գրիգորիչն ակնհայտորեն ծանր է տանում գահընկեցությունը և նիստերի դահլիճ է մտնում, գրանց­վում ու արագ դուրս գալիս: Նա դահլի­ճում չէր նույնիսկ այն ժամանակ, երբ խորհրդարանը գրոհում էր որդու վրա՝ պետգույքի մասնավորեցման աղմկա­հարույց նախագիծը ներկայացնելիս: Մենք մի քանի հարց տվեցինք Արման Սահակյանին:

 

 

-Շատ նորմալ ու շատ ուրախ եմ նաև դրա համար, որովհետև այն ժամանակ առավել մեծ պատասխա­նատվություն կար, առավել մեծ բեռ կար մեր ուսերին դրված, հիմա շատ ավելի հանգիստ ենք:

 

 

-Փառք Աստծո, ինքն իրեն շատ լավ է զգում, մենք միշտ դրա մասին ենք երազել, որ ինքն առողջ լինի, փառք Աստծո, ինքն էսօր էդ վիճա­կում է և շատ հանգիստ է տանում, առավել ևս՝ մենք: Ամեն ինչի կողքով պետք է շատ հանգիստ անցնել՝ մի օր կլինի, մի օր չի լինի:

 

 

-Ես հիմա էլ եմ այդ կարծիքին:

 

 

-(ժպտում է):

 

 

-Ոչ, եթե հիշում եք, 2007-2011 թվականներին մենք եղել ենք ԱԺ-ում, ես եղել եմ պատգամավոր, ես բազ­միցս եմ դրա մասին խոսել ու սիրում եմ աշխատել և ենթարկվել թիմին: Առաջնորդվում եմ թիմային մոտե­ցումներով: Դա թիմի որոշումն էր: Ես բազմիցս հայտարարել եմ, որ եթե կուսակցությունը որոշի, որ պետք է լինեմ ԱԺ-ում, կլինեմ: Բայց մեր քա­ղաքական թիմը որոշեց, որ ես պետք է մնամ գործադիրում»,-գրում է թերթը։

 

Նյութն ամբողջությամբ կարդացեք թերթի այսօրվա համարում: